Janavickija husi nie ŭratavali svoj Rym.
Tylnaja častka budynku pustuje.
Pakul u domie žyvuć ludzi, žyvie i jon.
Unikalny śviran, pomnik 3-j katehoryi, možna pabačyć tolki na zdymkach.
Na Kleččynie ŭnikalny pomnik draŭlanaha dojlidztva, jaki znachodziŭsia pad achovaj dziaržavy, puścili na drovy.
Vioska Janavičy Kleckaha rajonu viadomaja siadzibna-parkavym kompleksam Jalenskich, zakładzienym ŭ XVIII st. Siudy naprykancy kastryčnika pryjechała hrupa žurnalistaŭ, kab pabačyć samuju siadzibu dy ŭnikalny dvuchpaviarchovy śviran, adniesieny da 3-j katehoryi. Pobač z muravanym domam hierhiečuć husi. Hledziačy na źniešni stan kolišniaha domu, jakim u roznyja časy vałodali Jalenskija, Bierazoŭskija, Vojcechoŭskija dy Pilaŭskija, razumieješ, što hetyja hordyja ptuški nie ŭratavali svoj Rym. Kala hanku na łavie siadzić babula. Ad jaje daviedvajemsia, što śviran, jaki my nie mahli adšukać, miascovy kałhas...razabraŭ na drovy. Voś tak! Miascovym načalnikam, zvažajučy na toje, što zakon ab abaronie pomnikaŭ historyka-kulturnaj spadčyny ŭ nas faktyčna pierastaŭ dziejničać, praściej razabrać jakoje-niebudź «łamačča» na paliva, čymsia dahladać jaho. Niama pomnika — niama prablemy. Dom Jalenskich, pakul u im žyvuć ludzi, niejak lipić. Tylnyja pamiaškańni nia majuć šybaŭ, da ściany prytulilisia staryja matracy ź iržavymi spružynami.
