«Usio zaležyć ad Ameryki. Kali Ameryka zacikaŭlenaja ŭ raźvićci stasunkaŭ z nami biez vybudoŭvańnia niejkich tam dadatkovych barjeraŭ i papiarednich umovaŭ,to my surjozna ŭ hetym planie prasuniemsia, i amerykancy buduć zadavolenyja supracoŭnictvam ź Biełaruśsiu.
«Ja dumaju, amerykancy zrazumieli, što Biełaruś — heta klučavaja kraina ŭ Eŭropie i ź joj treba supracoŭničać», — skazaŭ A.Łukašenka.
Havoračy pra niadaŭna abranaha prezydenta ZŠA Baraka Abamu, kiraŭnik Biełarusi skazaŭ:
«Heta novy, małady, adukavany čałaviek, bolš chutki i enerhičny čałaviek, jaki zmoža bolš realna pahladzieć na suśvietnuju rečaisnaść».
Razam z tym, Łukašenka zajaviŭ, što Biełaruś absalutna «padtrymaje Rasiei ŭ adekvatnych dziejańniach na raźmiaščeńnie amerykanskaj SRA ŭ Čechii i Polščy».
***
Nahadajem, što hod tamu ZŠA uviali sankcyi suprać kancernu «Biełnaftachim». U traŭni 2008 h. śpis pradpryjemstvaŭ, suprać jakich uviedzienyja sankcyi, byŭ pašyrany kampanijami: «Łakafarba» (Lida, Haradzienskaja vobł.), «Połack‑Škłovałakno» i «Biełaruski naftavy handlovy dom».
U pačatku vieraśnia Ministerstva finansaŭ ZŠA źniało na šeść miesiacaŭ sankcyi suprać pradpryjemstvaŭ «Łakafarba» i «Škłovałakno». Heta stała mahčyma paśla taho, jak Miensk pajšoŭ na vyzvaleńnie palitviaźniaŭ.
Adnak pakul što ZŠA nie śpiašajecca dałučycca da rašeńnia Eŭrasajuzu ab častkovym prypynieńni vizavych sankcyjaŭ adnosna biełaruskich čynoŭnikaŭ. ZŠA raźličvajuć na palapšeńnie stanovišča niezaležnych medyjaŭ i niezaležnych arhanizacyj, zajaŭlaŭ namieśnik dziaržsakratara Dejvid Merkieł.
Taksama varta adznačyć, što ad sakavika pasolstva Biełarusi ŭ Vašynhtonie i pasolstva ZŠA ŭ Miensku pracujuć u abmiežavanymi mahčymaściami. Spačatku stalicu ZŠA pakinuŭ biełaruski pasoł Michaił Chvastoŭ. Praź niekalki dzion biełaruskija ŭłady nastajali na tym, kab terytoryju krainy pakinuła pasoł Karen Stjuart. Za hety čas spn.Stjuart atrymała pasadu ŭ Dziarždepartamencie ZŠA i viartacca ŭ Biełaruś nie źbirajecca. Kali vierniecca za akijan Chvastoŭ taksama skazać ciažka.
BT nieadnarazova abvinavačvała pasolstva ZŠA ŭ stvareńni na terytoryi našaj krainy špijonskich sietak, a taksama ŭ finansavańni apazycyi. U niejki peryjad Štaty byli blizkija da taho, kab całkam začynić pasolstva ŭ Biełarusi. U traŭni kolkaść supracoŭnikaŭ amerykanskaj ambasady było skaročanaje da čatyroch čałaviek, razam z časovym pavieranym Džonatanam Muram.
