Pałac Vałovičaŭ u Śviacku. Čas budaŭnictva - 1779 h. fota globus.tut.by
Pavodle ŭmovaŭ aŭkcyjonu budučy investar musova ciaham miesiacu paśla nabyćcia padpisać achoŭnyja abaviazalnictvy ź Ministerstvam kultury, a praz try hady — pačać haspadarčuju dziejnaść. Całkam mahčyma, što były pałac Vałovičaŭ pieratvorać u hatel. Taki prajekt praduhledžvaje taksama adnaŭleńnie i dobraŭparadkavańnie staroha parku, zakładzienaha naprykancy XVIII st.
Papiarednie pomnik architektury kanca ChVIII st. acanili ŭ paŭtara miljardy rubloŭ.
Pałacava-parkavy kompleks u Śviacku Haradzienskaha rajonu znachodzicca ŭ śpisie pomnikaŭ respublikanskaha značeńnia. U hetym rehijonie ŭ śpis patrapiŭ taksama Aŭhustoŭski kanał.
Pałac u styli baroka zbudavaŭ italjanski architektar Džuzepie Saka, jaki źjaŭlajecca aŭtaram inšych budynkaŭ, stvoranych u susiedniaj Horadni ŭ časy apošniaha karala Rečy Paspalitaj Stanisłava Aŭhusta Paniatoŭskaha.
Za palakami tut była stvoranaja narkalahičnaja lakarnia, adzinaja na toj čas u Polščy. Da 2005 hodu tut mieściłasia suchotnaja lakarnia. Apošnija try hady pałac pustuje i pastupova razburajecca.
