U čaćvier staršynia kobrynskaj haradskoj supołki MF Aleś Stračuk i jahony namieśnik Aleś Kabač sustrelisia ź pieršym sakratarom BRSMa ŭ Kobrynie Ŭładzimieram Viarbickim i ad imia Maładoha Frontu prapanavali supracu ŭ kirunku biełarusizacyi kobrynskaj moładzi.
«Nas uspryniali vielmi spakojna i adekvatna, — kaža Aleś Stračuk.— Pradstaŭnik BRSMu, cikavy małady čałaviek 23‑25 hod, pahadziŭsia z tym, što zaraz biełaruskaja mova i kultura znachodzicca ŭ zaniapadzie i jaje nieabchodna papularyzavać, najpierš, u moładzievych kołach. My damovilisia na šerah kulturnickich mierapryjemstvaŭ, praŭda, z abmoŭkaju, što my nia budziem afišavać i prapahandavać svaje palityčnyja pohlady…», — uśmichajecca Aleś.
***
Najpierš, BRSM budzie dapamahać pravodzić u haradach mierapryjemstvy ŭ miežach kampanij «BIEŁARUSKUJU KNIHU — DZIECIAM!», «ZA MTS PA‑BIEŁARUSKU!», arhanizoŭvać sustrečy z historykami i hramadzkimi dziejačami, pravodzić biełaruskija dyskateki z muzykaju na rodnaj movie.