U internecie apublikavany prajekt Pałažeńnia ab paradku papiaredniaj identyfikacyi karystalnikaŭ internet-resursa. Hety dakumient tłumačyć, jak čytačy sajtaŭ zmohuć pakidać kamientary ŭ internecie.
Ministr infarmacyi Aleś Karlukievič.
Hałoŭnaje, što ŭrad pakidaje tolki adzin sposab identyfikacyi karystalnikaŭ — praz abaniencki numar. Takim čynam, załahinicca praz sacsietki ci elektronnuju poštu budzie nielha.
Ułaśnikam internet-resursaŭ dazvolać źbirać nastupnyja piersanalnyja dadzienyja: imia i proźvišča, poł, datu i miesca naradžeńnia, adras elektronnaj pošty. Praŭda, spraŭdžvać hetyja źviestki nichto nie budzie.
Aproč taho, buduć zapisvacca data i čas raźmiaščeńnia paviedamleńniaŭ/kamientaroŭ na sajcie, a taksama MAS-adras pryłady i IP-adras.
Novaŭviadzieńni pavinny ŭstupić u siłu 1 śniežnia. Ci buduć unosicca źmieny ŭ prajekt pałažeńnia, nieviadoma.