19 listapada ŭ Vyšejšym haspadarčym sudzie (Vaładarskaha, 8) adbudziecca słuchańnie pa spravie budynku mienskaj pratestanckaj carkvy «Novaje žyćcio», miarkuje juryst carkvy Siarhiej Łukanin. Inicyjatyva sychodziła nie ad pradstaŭnikoŭ «Novaha žyćcia», kaža jon.
Pasiedžańnie adbudziecca a 10‑j hadzinie. Panazirać za pracesam vykazali žadańnie ambasadary ZŠA i krainaŭ ES.
Nahadajem, u 2002 hodzie vierniki nabyli na ŭskrajku Miensku były kałhasny karoŭnik i adramantavali za svaje hrošy. U 2005 hodzie mienskija ŭłady zabaranili ładzić tam nabaženstvy, a ŭ 2006 — pieraličyli na rachunak carkvy kala $17 tysiač kampensacyi za budynak. 9 kastryčnika 2006 hodu jany, pavodle pastanovy ŭładaŭ, musili vyzvalić budynak.
Na znak pratestu vierniki raspačali 23‑dzionnuju haładoŭku. U vyniku spravaj viernikaŭ zaniaŭsia Vyšejšy haspadarčy sud. Jon admianiŭ raniejšyja pastanovy ab vysialeńni viernikaŭ i pazbaŭleńni ich ziamielnaha nadziełu. Ale sprava raściahnułasia na hady. Kančatkovaje rašeńnie dahetul nie było pryniataje.
