Siońnia daviałosia pačuć, što mienavita admova biełaruskaha boku ad devalvacyi rubla pryvodzić da zatrymki pieramovaŭ ź misijaj Mižnarodnaha valutnaha fondu. Pradstaŭniki MVF ličać: Biełaruś pavinna na 20% źmienšyć kurs biełaruskaha rubla. Biełaruskija pieramoŭniki z hetym nie pahadžajucca. Tamu pieramovy, jakija pavinny byli skončycca jašče 6 listapada, usio jašče praciahvajucca.
Prafesar Bahdankievič taksama ličyć, što źmianšać deficyt treba praz devalvacyju biełaruskaha rubla:
«U śviecie, kali źniešni handal niezbalansavany, urad zaŭždy namahajecca zrabić vyhadnym ekspart i niavyhadnym impart. Dyk voś, devalvacyja nacyjanalnaj valuty zaŭždy viadzie da taho, što ekspart stanovicca dla pradpryjemstvaŭ krainy vyhadnym, a impart robicca mienš vyhadnym».