Dziaržaŭnaja naftavaja kampanija Azierbajdžana (DNKA) budzie pradavać Hruzii blizu miljarda kubamietraŭ hazu pa lhotnych cenach ciaham bližejšych piaci hod.
Pra hetaje zajaviŭ ministr enierhietyki Hruzii Alaksandar Chietahury, paviedamlaje Reuters. Jon taksama zaznačyŭ, što hadavyja patreby krainy ŭ pryrodnaj hazie składajuć blizu 1,8 miljarda kubamietraŭ. I 800 miljonaŭ zvyš ilhotnaha limitu Hruzija budzie kuplać pa rynkavych koštach.
Hetaje norma zamacavana ŭ piacihadovaj damovie pamiž Hruzijaj i Azierbajdžanam, jakaja była padpisana dniami. U dakumancie havorycca, što DNKA voźmie na sabie funkcyi hruzinskaj karparacyi pa nafcie j hazu, jakaja raniej vystupała aptovym pastaŭščykom impartavanaj hazy dla bujnych spažyŭcoŭ.
Jak adznačyŭ prezident Saakašvili, zaklučanaje pahadnieńnie dazvalaje pavialičyć hazifikacyju krainy na 80%. Pry hetym Hruzija budzie płacić za hazu kala 167 dalaraŭ za tysiaču kubamietraŭ lhotnaha hazu. Košt z astatnich 800 miljonaŭ kumamietraŭ składzie blizu 180-200 dalaraŭ.
Darečy, navat hety, nieilhotny košt nižejšy za toj, jaki prosić sajuznaja Rasija ad sajuznaj Biełarusi ŭ 2009 hodzie.
