Biełaruskaha muzyku čakaje ekstradycyja na radzimu.
Pryčynaŭ admovy Dziaržaŭny kamitet Ukrainy pa spravach nacyjanalnaściaŭ i relihijaŭ nie patłumačyŭ. Žonka Ihara Iryna Ciuciuńnik paviedamiła, što rašeńnie mihracyjnaj słužby budzie abskardžanaje. U advarotnym vypadku, I. Koktyša čakaje ekstradycyja na radzimu.
Nahadajem, što muzyka Ihar Koktyš utrymlivajecca ŭ Simferopalskim SIZA ad 25 červienia 2007 hodu. U Biełarusi jaho vinavaciać u naŭmysnym zabojstvie.
Sprava biełaruskaha muzyki mieła mižnarodny rozhałas. U kastryčniku minułaha hodu Eŭrapiejski sud pa pravach čałavieka zabaraniŭ Ukrainie pieradavać aryštavanaha biełaruskamu boku, a «Mižnarodnaja amnistyja» adnačasova praviała akcyju terminovaj dapamohi, źviarnuŭšysia da ŭkrainskich uładaŭ z patrabavańniem nie dazvolić ekstradycyju. Ukrainskaja chryścijanskaja internet-supolnaść stvaryła admysłovy sajt u padtrymku Ihara Koktyša.
Na dadzieny momant zajava abaroncaŭ Koktyša znachodzicca na razhladzie ŭ Eŭrapiejskim sudzie. Žonka muzyki miarkuje, što Ŭkraina nia choča brać adkaznaść za los biełarusa i ciahnie čas, kab dačakacca rašeńnia Eŭrapiejskaha sudu pa pravach čałavieka.
