Z 28 listapada da 4 śniežnia ŭ Babarujsku budzie prachodzić Mižnarodny fest nacyjanalnaj dramaturhii imia Vincenta Dunina-Marcinkieviča. U prahramie festyvalu niama jaho znakamitaj kamedyi «Pinskaja šlachta». Hety fakt litaraturaznaŭca, kandydat filalahičnych navuk Jazep Januškievič ličyć pravakacyjaj, pieradaje BiełaPAN.
Januškievič nahadaŭ pra «jaskravuju pastanoŭku» «Pinskaje šlachty» Nacyjanalnym akademičnym teatram imia Janki Kupały (premjera spektaklu adbyłasia ŭ traŭni 2008 hoda).
Litaraturaznaŭca pavažaje, što festyval, pryśviečany 200-hodździu z dnia narodzinaŭ klasyka nacyjanalnaje litaratury, «nia moža abyścisia biez hałoŭnaha hieroja, jakim, biezumoŭna, jość Vincent Dunin-Marcinkievič». U jakaści kampensacyi taho, što «Pinskuju šlachtu» nie ŭbačać žychary Babrujska i hości festyvalu, Januškievič prapanavaŭ pakazać hety spektakl, «bliskuča pastaŭleny Mikałajem Pinihinym», na ajčynnych telekanałach «dla ŭsioj krainy».
Prahramnyja spektakli festyvalu buduć prachodzić na scenie Mahiloŭskaha abłasnoha teatru dramy i kamedyi imia Dunina-Marcinkieviča i Pałaca mastactvaŭ.
U interviju BiełaPANu zahadčyk litaraturna-dramatyčnaj častkaj teatru Vadzim Dapkiunas adznačyŭ, što teatar nia moža pakazać «Pinskuju šlachtu» na feście «adno z techničnych pryčynaŭ».
«Dla hetaha spektaklu na scenach Babrujsku nieabchodna začyniać arkiestravyja jamy i pašyrać kulisy», — skazaŭ sp. Dapkiunas.
Pa jaho słovach na feście jahony teatar prezentavaćmie spektakl «Paŭlinka», pakolki sioleta spoŭniłasia 95 hadoŭ z dnia jaho pieršaj pastanoŭki i 65 hadoŭ z dnia pieršaj pastanoŭki kupałaŭcami hetaha spektaklu ŭ rasiejskim Tomsku.
Marat Haravy, BiełaPAN
