U jakaści rabočaj nazvy metrabudaŭniki ŭžo vykarystoŭvajuć pryjemnuju mnohim biełarusam nazvu budučaj stancyi — «Vilenskaja».
Da budaŭnictva «Vilenskaj», jakaja pradoŭžyć druhuju liniju metrapalitenu na Zachad, planieucca, praŭda, prystupić tolki paśla 2012 hodu.
Ale, jak paviedamili partału «My» ŭ «Mienskmetraprajekcie», ciapier supracoŭniki arhanizacyi ŭžo kirujucca ŭ dakumentacyi nazvaj «Vilenskaja». Lohika, biassprečna, u hetaj naźvie jość — pobač idzie šaša ŭ bok Litvy.
Praŭda, va ŭpraŭleńni kultury Mienharvykankamu adznačyli, što rabočaja nazva planavanaha abjektu moža być i nie zaćvierdžana pry ŭvodzie ŭ ekspluatacyju. Rašeńnie budzie prymacca kamisijaj pa pierajmienavańni praspektaŭ, vulic, płoščaŭ i druhich sastaŭnych častak Miensku.
Nahadajem, što niekali adnu z stancyj mienskaha metro planavali nazvać «Rakaŭskaja», ale na sajcie Mienharvykankamu źjaviŭsia dopis niejkaha «Michaiła Majsiejeviča» z Halandyi, jaki vykazaŭ dumku, što nazva budučaj stancyi vyklikaje ŭ jaho niepryjemnyja asacyjacyi z chvarobaj rak. Stancyju pieranazvali ŭ «Spartyŭnuju».
