Pomnik Mindoŭhu (Mindaŭhasu) u Vilni.
Pra heta paviedamiŭ BiełaPAN hałoŭny śpiecyjalist adździeła kultury Navahrudskaha rajvykankama Viačasłaŭ Łaŭraščuk.
U 2009 h. budzie adznačacca 1000‑hodździe pieršaha ŭzhadvańnia Litvy ŭ letapisach i 965‑hodździe Navahradka — pieršaj stalicy VKŁ. Nad prajektam konnaj statui pracuje mienski skulptar Hienadź Burałkin. Jon prapanuje adlić z bronzy Mindoŭha ź miačom na kani i ŭstanavić hetuju kampazicyju na kamiennym pastamiencie.
«Razam z tym dakładnaje miesca ŭźviadzieńnia pomnika pakul nie vyznačana, jak i data jaho adkryćcia», — skazaŭ V.Łaŭraščuk.
Pavodle jaho słoŭ, uradženiec Navahradka Pavieł Kaściukievič stvaryŭ u Maskvie Nacyjanalny inviestycyjny fond Biełarusi («Navahrudak») dla zboru srodkaŭ i akazańnia finansavaj dapamohi ŭ realizacyi hetaha i inšych prajektaŭ, nakiravanych na adnaŭleńnie historyka‑kulturnaj spadčyny horada i ŭšanavańnie pamiaci dziejačaŭ ajčynnaj historyi, navuki i kultury, čyjo žyćcio źviazana z Navahradkam.
«Kiraŭnictva horada padtrymlivaje prajekt ŭźviadzieńnia pomnika, ab čym śviedčać publikacyi hetaha hoda ŭ respublikanskich vydańniach «Hołas Radzimy» (dadatak da haziety «Sovietskaja Biełoruśsija») ad 31 lipienia i «Źviazda» ad 6 žniŭnia, padrychtavanych viadomymi biełaruskimi vučonymi Michaiłam Kaściukom, Viačasłavam Čamiaryckim i Adamam Maldzisam», — zaznačyŭ V.Łaŭraščuk.
Darečy, 11 lipienia 1918 h. karalom Litvy pad imieniem Mindoŭh II byŭ abrany u akupavanaj niemcami Vilni byŭ abrany kniaź Viurtembierhski Vilhielm fon Urach.
Prakaralavaŭ jon da 2 listapała 1918 h., kali rašeńnie ab abrańni karala było anulavana i ŭłada pierajšła da Časovaha ŭradu Litvy.