Na sustrečy z prezidentam ZŠA biełaruski internet pradstaŭlali Kłaskoŭski i Kazulina.
10 śniežnia, u Mižnarodny dzień pravoŭ čałavieka, u Biełym domie adbyłasia sustreča prezidenta ZŠA Džordža Buša i błohieraŭ ź Biełarusi, Kitaja, Kuby, Irana i Mjanmy.
Jak paviedamlaje adzin z udzielnikaŭ, kitajski pravaabaronca i błohier Džao Cziań, sustreča praciahvałasia kala hadziny. Džordž Buš, adkryvajučy mierapryjemstva, zajaviŭ ab padtrymcy ŭradam ZŠA svabody i zachavańnia pravoŭ čałavieka va ŭsim śviecie, pieradaje Electroname.com.
Błohiery mieli mahčymaść abmierkavać z kiraŭnikom ZŠA prablemy, ź jakimi sutykajucca novyja miedyja ŭ svaich krainach. Biełaruś, pavodle paviedamleńnia amierykana-kubinskaha błoha Babulu, pradstaŭlali žurnalist Alaksandr Kłaskoŭski i dačka byłoha palitviaźnia Volha Kazulina, jakija taksama viaduć błohi.
Taksama ŭ sustrečy ŭziali ŭdzieł Maŭnh Maŭnh Vin aka Maung Yit (błohier ź Birmy, MoeMaKa), Džao Cziań (kitajski pravaabaronca, jaki žyvie ŭ ZŠA, žurnalist China Digital Times i aŭtar błoha Rock n Go), iranski błohier Araš Siharchi, Mihiel Aktavijo ź Vieniesueły, jaki braŭ udzieł u sustrečy praź videakanfierencyju, i kubinski dysident, što žyvie ŭ Majami, Val Pryjeta, aŭtar błoha Babalu.
