12 śniežnia ŭ Bierlinie adbyłosia ŭručeńnie premii Fonda imia F. Ebierta staršyni HA «BAŽ» Žańnie Litvinoj.
Cyrymonija prachodziła ŭ budynku Fonda Ebierta — paśla presavaj kanfierencyi i «kruhłaha stała» pa prablemach svabody słova ŭ Biełarusi. Na ŭručeńni prysutničali byłyja ambasadary ABSIE ŭ Minsku, pramaŭlaŭ premjer‑ministr fiederalnaj ziamli Brandenburh Macias Płacek. Uznaharodu Žańnie Litvinoj uručyła kiraŭnica Fonda Ebierta Ankie Fuks.
Vystupoŭcy adznačali, što hetaja premija — nie tolki pryznańnie zasłuh Žanny Litvinoj i Biełaruskaj asacyjacyi žurnalistaŭ u zmahańni za svabodu słova, ale i znak uvahi Jeŭropy da prablem biełaruskich ŚMI.
Premija Fonda Ebierta ŭ halinie pravoŭ čałavieka była zasnavanaja ŭ 1994 hodzie i ŭručajecca ludziam i arhanizacyjam, jakija majuć asablivyja zasłuhi ŭ roznych nakirunkach abarony pravoŭ čałavieka.
U papiarednija hady jaje atrymlivali dziejačy i arhanizacyi z Polščy, Nihieryi, Ałžyru, Indyi, Ruandy, Taiłandu, Čyli, Pieru, Kazachstanu i inšych krain.
0
0
0
0
0
0
