Takoha kursu dasiahnuŭ dalar, kali nie ŭličvać denaminacyi.
Aficyjny kurs dalara ZŠA z 13 śniežnia składaje 2.200 biełaruskich rubloŭ.
Biez uliku denaminacyj 1994 i 2000 hadoŭ kurs roŭny 22.000.000 rubloŭ.
Pa stupieni abiasceńvańnia nacyjanalnaj valuty da amierykanskaha dalara Biełaruś zastajecca lideram siarod krain byłoha SSSR — taki vynik praviedzienaha BiełaPAN analizu aficyjnych valutnych kursaŭ na 13 śniežnia 2008 hoda biez uliku hrašovych reform.
Za Biełaruśsiu ŭ pieršaj piaciorcy raźmiaścilisia Turkmienistan — 7.125.000, Hruzija — 1.652.500, Uźbiekistan — 1.377.730 i Ukraina — 748.680.
Dalej iduć Tadžykistan — 340.390, Armienija — 61.674, Kazachstan — 60.250, Azierbajdžan — 40.300, Rasija — 27.808, Małdova — 10.386, Kyrhyzstan — 7.880.
Zamykajuć śpis dziaržavy Bałtyi: Litva — 263,1; Estonija — 117,1; Łatvija — 107. Kurs dalara ŭ samaabvieščanaj Prydniastroŭskaj Małdaŭskaj Respublicy, jakaja maje ŭłasnuju valutu, biez uliku denaminacyi skłaŭ 8.471.500 rubloŭ.
Takim čynam, biełaruskaja valuta abiasceniłasia ŭ dačynieńni da amierykanskaha dalaraŭ 3,1 raza bolš, čym valuta Turkmienistana, u 13,3 raza — Hruzii, u 16 razoŭ — Uźbiekistana, u 29,4 raza — Ukrainy, u 64,6 raza — Tadžykistana, u 357 razoŭ — Armienii, u 365 razoŭ — Kazachstana, u 546 razoŭ — Azierbajdžana, u 791 raz — Rasii, u 2.118 raza — Małdovy, u 2.792 raza — Kyrhyzstana, u 83.618 raza — Litvy, u 187.874 raza — Estonii i ŭ 205.607 raza bolš, čym valuta Łatvii. U vypadku z Prydniastroŭjem hetyja suadnosiny składajuć 2,6 raza.
Adznaku 1 młn. biełaruskich rubloŭ (biez uliku denaminacyj) kurs dalara dasiahnuŭ 17 śniežnia 1998 hoda, 5 młn. — 11 maja 2000 hoda, 10 młn. — 12 vieraśnia 2000 hoda, 15 młn. — 26 kastryčnika 2001 hoda, 20 młn. — 3 krasavika 2003 hoda, 21 młn. — 16 vieraśnia 2003 hoda.
