Impieryja / Ryšard Kapuścinski; pierakład z polskaj. — Minsk: ‑‑ I. P. Łohvinaŭ, 2009. — 344 s. (Kniharnia «Naša Niva»).
Ryšard Kapuścinski (1932—2007) — lehienda polskaj žurnalistyki, suśvietna viadomy reparcior, piśmieńnik, paet. Čałaviek z unikalnym pačućciom padziei, jakoje biespamyłkova viało jaho tudy, dzie rabiłasia historyja. Jon byŭ śviedkam dziasiatkaŭ pieravarotaŭ i revalucyjaŭ, rujnavańnia impieryjaŭ i źjaŭleńnia novych dziaržavaŭ.
Aŭtar knih repartažaŭ‑ese: Kirhiz złazić z kania (1968), Jašče dzień žyćcia (1976), Futbolnaja vajna (1978), Šachinšach (1982), Padarožža z Hieradotam (2004) i inš.; i paetyčnych zbornikaŭ: Notes (1986), Zakony pryrody (2006).
Jahonyja knihi nie raz byli pryznanyja knihami hodu pavodle mierkavańnia ŭpłyvovych vydańniaŭ, a ŭ 1995 hodzie ŭ Polščy Kapuścinskaha abvieścili žurnalistam stahodździa. Byŭ uhanaravany mnohimi premijami i ŭznaharodami. Dvojčy naminavaŭsia na Nobieleŭskuju premiju.
Kapuścinski naradziŭsia ŭ Pinsku i na ŭsio žyćcio zachavaŭ prychilnaść da Biełarusi. Jon nie raz havaryŭ: «Ja zaŭsiody šukaŭ moj dom, šukaŭ Pinsk, — u Afrycy, u Azii, u Łacinskaj Amierycy».
Na biełaruskuju movu pierakładzieny raman Ryšarda Kapuścinskaha «Impieratar» (Sesarz) (ARCHE, 5‑2006) i zbornik vieršaŭ «Viartańnie» (2007).
«Impieryju» pierakłaŭ Jaŭhien Salajčuk, pierakładčyk ź Pinsku. Hetaja kniha apisvaje padarožža aŭtara praz uvieś Saviecki Sajuz, ździejśnienaje pry kancy 1980-ch. Kapuścinski pa-žurnaliscku dakładna vypisvaje zaŭvažnyja śvietapohladnyja i pobytavyja detali, jakich nie znojdzieš u padručnikach historyi taho času.