Paśla taho jak «Našaj Nivie» i «Narodnaj voli» było prapanavana viarnucca ŭ dziaržaŭnuju sistemu raspaŭsiudu, redaktar «Babrujskaha kurjeru» mieŭ hutarku z načalnikam Departamientu drukavanych ŚMI Mininfarmacyi.
Nahadajem, što amal dva hady tamu «Biełsajuzdruk» spyniŭ supracoŭnictva z vydańniem. Paśla taho jak «Našaj Nivie» i «Narodnaj voli» było prapanavana viarnucca ŭ dziaržaŭnuju sistemu raspaŭsiudu, redaktar «Babrujskaha kurjeru» mieŭ hutarku z načalnikam Departamientu drukavanych ŚMI Mininfarmacyi.
«Mnie było zajaŭlena, što Ministestva infarmacyi nie maje nijakich pretenzij da vydańnia. Z hutarki ja zrabiŭ vysnovu, što my majem nadzieju adnavić raspaŭsiud pra sistemu «Biełsajuzdruk» da kanca śniežnia» -- paviedamiŭ hałoŭny redakatar «BK» Anatol Sanacienka.
Siońnia na «Babrujski kurjer» možna padpisacca ŭ lubym paštovym adździaleńni, hazietu ŭklučyli ŭ padpisny katałoh na nastupny hod. Nabyć hazietu možna ŭ paštovych adździaleńniach horadu i rajonu, u Redakcyi, a taksama ŭ pryvatnych raspaŭsiudnikaŭ. Vychodzić «BK» pa sieradach, nakład składaje kala 2000 asobnikaŭ.
«Babrujski kurjer» pačaŭ vydavacca ŭ 1914 hodzie. Pieršym vydaŭcom i redaktaram byŭ Hiler Frydland, uładalnik babrujskaj drukarni, teatru i cyrku. Z prychodam da ŭłady ŭ 20-ch hadach minułaha stahodździa balšavikoŭ hazieta była začynienaja. Adnaviła vychad u 1991 h. Siońnia heta niezaležnaje štotydniovaje hramadska-palityčnaje vydańnie, drukujecca na biełaruskaj i rasijskaj movach.
