Fota z belarus.mfa.gov.ua
Jaje znajšła siońnia ranicaj pamierłaj supracoŭnica sacyjalnaj słužby. Nina Maciaš žyła ŭ Biełaaziorsku (Biarozaŭski r-n).
Paetka pražyła 65 hadoŭ. Ciaham doŭhaha času jana była mocna abmiežavanaja ŭ ruchu.
***
Nina Maciaš naradziłasia 20 vieraśnia 1943 h. u Nivach (siońnia Biarozaŭski r-n). Skončyła fakultet francuzskaj movy Minskaha dziaržaŭnaha piedahahičnaha instytuta zamiežnych moŭ (praz chvarobu musiła brać akademičny adpačynak). U 1973-1977 hh. vykładała niamieckuju movu ŭ Biełaaziorskaj prafiesijna-techničnaj navučalni. Člen SP SSSR (z 1971).
Debiutavała vieršam u 1962 h.. Aŭtarka niekalkich zbornikaŭ paezii «Ahoń», «Udziačnaść», «Ralla surovaja», «Pryručeńnie viasny», «Poŭny kielich» dy kazak «Dva braty i siakiera», «Kazka pra susiedziaŭ, źmiaju i miadźviedzia».
Pierakładała ź niamieckaj, polskaj, francuzskaj. Na biełaruskuju pierakłała tvory pra kamisara Miehre, a taksama "Maleńkaha prynca" Sent-Ekziupiery, navieły H. de Mapasana.
