Mitrapalit Minska‑Mahiloŭskaj archidyjacezii Tadevuš Kandrusievič 19 śniežnia pravioŭ kaladnuju sustreču z žurnalistami. Na sustrečy miž inšaha Kandrusievič vykazaŭsia nakont vydaleńnia ź Biełarusi katalickich śviataroŭ‑palakaŭ.
«Heta ciažka sprava. Liču, što heta najpierš pakarańnie dla viernikaŭ, jakija pazbaŭlajucca svajho śviatara. Nam kažuć, treba kab śviatary byli miascovymi, ale ich jašče nie chapaje. Dvaccać hadoŭ tamu my mieli tolki 20 biełaruskich ksiandzoŭ, a siońnia ich užo 290. Ja źviartaŭsia da Kanfierencyi katalickich biskupaŭ Słavakii, kab jany dasłali nam ksiandzoŭ, ale nichto nie zachacieŭ jechać u Biełaruś. Što zrobiš, kali 30% usich śviatarskich paklikańniaŭ u Jeŭropie ŭ Polščy», — skazaŭ T.Kandrusievič.
Siońnia ŭ našaj krainie pracuje 440 śviataroŭ. Na dumku mitrapalita, kab vieści paŭnavartasnuju dušpastarskuju dziejnaść nieabchodna jak minimum 700.
