Ciapier startavuju canu majuć skaracić jašče na 50%, da $2,95 młn.
Čarhovy aŭkcyjon pa prodažy pałacava-parkavaha kompleksu ŭ Śviacku Hrodzienskaha rajonu 19 śniežnia nie adbyŭsia, bo jak i ŭ minuły raz nie było padadziena zajavak na ŭdzieł. Startavaja cana kompleksu była źnižanaja na 20% i składała 13,3 młrd rubloŭ ($5,9 młn). Ciapier startavy košt majuć skaracić jašče na 50%. U vypadku, kali pradać pałac nie ŭdasca, to jaho los vyrašyć ułaśnik — Hrodzienski rajvykankam. Adzin z mahčymych varyjantaŭ, jaki razhladaje ŭłaśnik, — pieradača pałacu Nacbanku.
Data nastupnaha aŭkcyjonu pakul nie pryznačanaja, paviedamili ŭ Hrodzienskim abłasnym terytaryjalnym fondzie dziaržmajomaści. Viadoma, što tarhi adbuducca ŭžo ŭ nastupnym hodzie.
Pałac u styli baroka zbudavaŭ italjanski architektar Džuzepie Saka, jaki źjaŭlajecca aŭtaram inšych budynkaŭ, stvoranych u susiedniaj Horadni ŭ časy apošniaha karala Rečy Paspalitaj Stanisłava Aŭhusta Paniatoŭskaha. Znachodzicca ŭ śpisie pomnikaŭ respublikanskaha značeńnia.