MUS krainy prahnazuje rost sacyjalnaj napružanaści i pieraścierahaje pra niebiaśpieku atak na mihrantaŭ.
Pra heta zajaviŭ pieršy namieśnik ministra ŭnutranych spraŭ Rasii Michaił Suchadolski.
«MUS nie vyklučaje destabilizacyi stanovišča i rost pratestaŭ nasielnictva z-za ekanamičnaj situacyi ŭ krainie. (...) U krainie mahčymaje značnaje pavieličeńnie marhinalnych elemientaŭ biez srodkaŭ dla isnavańnia»– adznačyŭ hienierał. Pa jaho słovach, varta rychtavacca da rostu pratestavych nastrojaŭ, vyklikanych niezadavolenaściu pracazdolnaha nasielnictva zatrymkami zarobkaŭ i pahrozami zvalnieńniaŭ, a taksama niepapularnymi antykryzisnymi mierami. Namieśnik ministra papiaredziŭ pra niebiaśpieku «masavych niesankcyjanavanych dziejańniaŭ suprać mihrantaŭ».
Adnačasova z pryznańniami hienierała pamočniki prezidenta Rasii pa ekanomicy Arkadź Dvarkovič upieršyniu publična zajaviŭ, što biudžet-2009 budzie deficytnym.
«Pryncypova važna, jak ułada budzie reahavać na padobnyja dziejańni» – piša z hetaj nahody Hazieta.ru. Toje, što ŭłada vusnami milicejskaha hienierała nazyvaje ludziej, jakija zaŭtra mohuć stracić pracu i stanuć patencyjnymi ŭdzielnikami akcyjaŭ pratestu, zrazumieła. Bo dziakujučy palitycy Pucina, suviaź pamiž uładaj i narodam stračanaja. Ale i ŭłada nahetulki ž marhinalnaja ŭ adnosinach da narodu, bo daŭno žyvie ŭ inšym vymiareńni.
Dyjałoh marhinalnych adnosna adno adnaho narodu i ŭłady niepaźbiežny. I jon moža pryniać samuju niepryjemnuju formu.
«Hałoŭnym vynikam hetaha dyjałohu pavinna pryncypovaja źmiena režymu: narod pavodle vyklučna fizijałahičnych pryčynaŭ («nadta ž jeści chočacca») viartajecca ŭ rasijskuju palityku. I ŭłada bolej nie moža nie ličycca z hetymi abstavinami. Siłavych mietadaŭ vyrašeńnia antykryzisnych prablem, roŭna jak i nie padmacavanych realnaściu abiacaniaŭ dla utrymanaja kantrolu nad krainaj, uładam nie chopić»– padsumoŭvaje Hazieta.ru.
