U Kramli nie paćviardžajuć zajavu Alaksandra Łukašenki pra toje, što rasiejski bok pryniaŭ rašeńnie vydać Biełarusi dadatkovy tranš kredytu ŭ 1 miljard dalaraŭ.
Pra heta paviedamiła ahienctva «RIA Novosti» sa spasyłkaj na krynicu ŭ administracyi prezydenta Rasiei.
«Dadziena daručeńnie kiraŭnikam centrabankaŭ abiedźviuch krain prapracavać hetaje pytańnie, ale kančatkova rašeńnie jašče nie pryniataje», — adznačyŭ pradstaŭnik Kramla.
Nahadajem, 23 śniežnia A.Łukašenka zajaviŭ žurnalistam, što padčas jahonych pieramovaŭ z rasiejskim prezydentam 22 śniežnia rasiejski bok paćvierdziŭ, što ŭ lutym Rasieja vydzielić Biełarusi druhi tranš kredytu ŭ pamiery 1 miljarda dalaraŭ dla padtrymki i stabilizacyi biełaruskaha rubla.
Damova pra vydzialeńnie Biełarusi rasiejskaha kredytu ciaham 2008—2009 hadoŭ u 2 miljardy dalaraŭ była padpisana ŭ Maskvie 13 listapada. Pieršy tranš Biełaruś atrymała 18 listapada.
Maskoŭski palitolah Andrej Suzdalcaŭ padkreślivaje: kiraŭnik Biełarusi nie dahavorvaje istotnych rečaŭ: «Łukašenka byccam nia čuje pra toje, što
ŭmovaj vydačy druhoha tranšu jość padpisańnie Memarandumu, jaki nie padpisali pry vydačy pieršaha tranšu.Memarandum padrychtavali jašče da pieršaha tranšu. I jon uklučaje ŭ siabie šerah hruntoŭnych momantaŭ. U pryvatnaści, roŭnyja pravy rasiejskaha biznesu na biełaruskim rynku, udzieł rasiejskaha biznesu na roŭnych pravach u pryvatyzacyi abjektaŭ i vytvorčych aktyvaŭ i h.d.».