Paśla viartańnia haziety ŭ «Sajuzdruki» nakład za adzin miesiac vyras amal u try razy, paviedamiŭ hałoŭny redaktar haziety Andrej Skurko.«Z 1 studzienia pavialičyłasia kolkaść padpisčykaŭ. Ale pieradusim rost idzie za košt prodažu ŭsio bolšaj ličby asobnikaŭ praz roźničnyja sietki. Z 1 śniežnia hazieta dasiahnuła tyražu 5000, a z 1 studzienia — dabaviła jašče tysiaču», — kaža jon.
U Minsku i niekatorych vialikich haradach u kijoski pa-raniejšamu pastupaje minimalnaja ličba ekziemplaraŭ haziety, i jany razychodziacca za pieršy ž dzień prodažaŭ.
«U suviazi my majem vialikuju prośbu da čytačoŭ, — kaža A.Skurko. — Kožny raz, kali vy chočacie kupić hazietu, a ŭ kijosku jaje niama, vietliva prasicie, kab kijaskiorki zamaŭlali bolšuju kolkaść asobnikaŭ».
Ad nastupnaha numaru NN mianiaje dzień vychadu. Numar źjavicca ŭ prodažy ŭ Minsku ŭ sieradu ŭ abied, a ŭ rehijonach — u čaćvier uranku.
0
0
0
0
0
0