«Naša Niva» — heta nie tolki hazieta i sajt nn.by. Vakoł haziety hurtujecca niezaležnaja intelihiencyja. Našaniŭskaje koła zajmajecca navukovymi daśledavańniami. Vydajucca knihi i dyski.
U pieršyja dni novaha hodu pabačyli śviet čatyry novyja vydańni ź sieryi «Kniharnia «Naša Niva». Heta šykoŭnaja kniha płastylinavych lapiłak dla dziaciej «Pryhody kapitana Tanaki (Płastyłandyja)».
Heta kniha «Naša strava» (układalnik Aleś Bieły), pryśviečanaja sapraŭdnaj biełaruskaj kuchni.
Heta kniha polskaha žurnalista Ryšarda Kapuścinskaha «Impieryja», jakaja apisvaje, jak hniŭ i raskładaŭsia SSSR. Kapuścinski — naš ziamlak, rodam ź Pinsku, kniha pierakładzienaja na biełaruskuju movu. Heta taksama debiutnaja kniha sakavitaj prozy Paŭła Kaściukieviča «Dušpastyrskija spatkańni dla dačnikaŭ».
Pytajciesia ŭ kniharniach, a kali jakija kramy bajacca pradavać «Našu Nivu», šukajcie ŭ niezaležnych raspaŭsiudnikaŭ, na rynkach i biełaruskich damach.
