Pieršy namieśnik kiraŭnika Administracyi Prezidenta Biełarusi Natalla Piatkievič u razmovie z karespandentam BIEŁTA abvierhła infarmacyju ab tym, što ŭ krainie rychtujecca zakonaprajekt ab źmianieńni piensijnaha ŭzrostu.
«Ciapier u Biełarusi nie raspracoŭvajucca nijakija prajekty narmatyŭna‑pravavych aktaŭ, nakiravanych na kanceptualnaje źmianieńnie isnujučaj sistemy piensijnaha zabieśpiačeńnia», — adznačyła Natalla Piatkievič, dadaŭšy, što ciapier i piensijny ŭzrost, i ŭzrovień piensijnaha zabieśpiačeńnia ŭ respublicy zastajucca niaźmiennymi.
«Jakija b dakumienty ciapier ni raspracoŭvalisia, jany ni ŭ jakaj miery nie zakranuć hałoŭny pryncyp piensijnaj sistemy, što zabiaśpiečvaje vysoki ŭzrovień sacyjalnaj abarony asob, jakija dasiahnuli piensijnaha ŭzrostu, — padkreśliła jana. — Tamu jakaja‑niebudź infarmacyja siarod nasielnictva ab karekciroŭcy piensijnaha ŭzrostu nie maje pad saboj aficyjnaj padaploki».
0
0
0
0
0
0
