Kiraŭniki ŭrada i Administracyi prezidenta pryniali 15 studzienia płan pa libieralizacyi ekanomiki.
Pra heta žurnalistam paviedamiŭ namieśnik ministra ekanomiki Andrej Tur pierad pačatkam pasiadžeńnia Respublikanskaha kłuba dyrektaroŭ.
Płan uklučaje 52 mierapryjemstvy, što ŭvajšli ŭ 12 asnoŭnych błokaŭ.
«Hety dakumient zaklikany praciahnuć praces krokaŭ uradu pa stvareńni pravavoha pola dla bolš prostaha i ŭraŭnavažanaha viadzieńnia biznesu», — adznačyŭ A.Tur.
Siarod asnoŭnych błokaŭ płana jon nazvaŭ:
zajaŭnicki pryncyp stvareńnia pradpryjemstvaŭ, źniaćcio administracyjnych barjeraŭ, spraščeńnie pracedur siertyfikacyi, vuzhadnieńniaŭ z sanitarnymi, supraćpažarnymi inśpiekcyjami.
U płanie taksama adlustravanyja temy ŭdaskanaleńnia padatkaabkładańnia, mytnaha afarmleńnia i kantrolnaj dziejnaści, majomasnych i ziamielnych dačynieńniaŭ, raźvićcia finansavaha rynku, inviestycyjnaj dziejnaści, cenavaha i antymanapolnaha rehulavańnia, raźvićcia samazaniataści nasielnictva, stymulavańnia rynku pracy, rehulavańnia hrašova‑kredytnych adnosin u bankašskaj śfiery i h.d.
Siarod mierapryjemstvaŭ — ustalavańnie doli małych pradpryjemstvaŭ dla ŭdziełu ŭ dziaržaŭnych zakupkach, źniaćcie abmiežavańniaŭ na impart ryby i inš.
A. Tur adznačyŭ, što «paśla praviadzieńnia ŭ pačatku hodu devalvacyi niesumlennyja pradaŭcy nie tolki impartnaha, ale i ajčynnaha tavaru stali nakručvać ceny». «Heta śviedčyć pra toje, što pry libieralizacyi pavinna raści i sacyjalnaja adkaznascb biźniesu», — miarkuje jon.
na dumku A. Tura,
«u pieršym kvartale hetaha hodu ŭžo pavinny źjavicca stanoŭčyja vyniki realizacyi dadzienaha płana».«Hetyja mierapryjemstvy — nie kančatkovyja, i jany skiravanyja na papiaredžańnie niehatyŭnych nastupstvaŭ kryzisu i minimizacyju jaho nastupstvaŭ», — padkreśliŭ jon.