16 studzienia ŭ Minskaj abłasnoj kliničnaj balnicy pamior mužčyna 1960 hoda naradžeńnia, namieśnik dyrektara adnoj z pryvatnych arhanizacyj Minska, jakoha padčas katańnia na łyžach u Respublikanskim harnałyžnym centry «Siličy» źbiŭ śniehachod.
Jak paviedamiŭ BiełaPAN supracoŭnik RUUS Łahojska Dzianis Kluch, niaščasny vypadak adbyŭsia 15 studzienia prykładna ŭ 18 hadzin. Pieršuju dapamohu paciarpieły atrymaŭ u Respublikanskim harnałyžnym centry, adkul jaho ŭ toj ža dzień adpravili ŭ Minskuju abłasnuju kliničnuju balnicu.
Jak paviedamiŭ D.Kluch, cieła zahinułaha znachodzicca ŭ adździele ahulnaj ekśpiertyzy dla praviadzieńnia pracedury ŭskryćcia.
Abstaviny trahiedyi vyśviatlajucca.
U Minskaj abłasnoj kliničnaj balnicy admovilisia paviedamić BiełaPAN ab charaktary paškodžańniaŭ zahinułaha i spasłalisia na toje, što viadziecca rasśledavańnie zdareńnia.
0
0
0
0
0
0
