Azaranka pieramahła, Jakimava i Havarcova prajhrali

U paniadziełak u Mielburnie (Aŭstralija) startavaŭ pieršy z turniraŭ Vialikaha šlemu — Adkryty čempijanat Aŭstralii.

Biełaruski startavali ŭ noč na aŭtorak pavodle minskaha času (u Aŭstralii heta ŭžo dzień 20 studzienia, roźnica ŭ časie składaje vosiem hadzin).

Pieršaja rakietka Biełarusi Viktoryja Azaranka svoj pieršy matč vyjhrała.

Jana, jak kažuć, nie pakinuła šancaŭ pradstaŭnicy Čechii Pietry Kvitavaj — 6:2, 6:1.

U nastupnym raŭndzie pieramožca niadaŭniaha turniru ŭ Bryśbienie zhulaje z Tacianaj Harbin, što pradstaŭlaje Italiju.

A voś Volzie Havarcovaj i Nastaśsi Jakimavaj nie pašancavała.

Volha prajhrała znakamitaj francužancy Amieli Maresmo — 4:6, 3:6, a Nastaśsia — arhientyncy Hiziele Dułko (Dulko?) — 3:6, 7:5, 3:6.

Matčy Australian Open možna hladzieć u žyvym efiry na kanale Jeŭrasport.

Pačatak tranślacyj a 2‑j nočy (ci ad 2‑j ranicy?).

uł. inf.

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH