Vialikaja strata dla biełarusaŭ, kali donary EHU sapraŭdy naviazvajuć pieratvareńnie univiersitetu ŭ anałah Centralnajeŭrapiejskaha univiersitetu, a nie pracujuć na stvareńnie ŭmovaŭ dla viartańnia ŭstanovy ŭ Biełaruś.
Mnohaje ŭ lubym razie zaležyć ad samoha kalektyvu. Jakaja hałoŭnaja meta prajektu? «Jakasnaje isnavańnie» ci paśladoŭnaje stanaŭleńnie niezaležnaha biełaruskaha univiersitetu — navat u mukach, u vuziejšym kole, pry «niajakasnym isnavańni»? Što vybiera EHU?
U suchim astatku rytoryki pra «rehijanalny univiersitet» — staraja jak śviet ideja, kab biełarusy «pracavali na demakratyzacyju Rasii».Čym abiartajucca takija zadumy, bliskuča apisaŭ u svajoj historyi biełaruskich maryjanaŭ a.Alaksandr Nadsan — jakomu, darečy, niadaŭna byŭ nadadzieny tytuł doktar honoris causa EHU.
Nie na Uschodniuju Jeŭropu ŭ vyniku stanie raźličany toj rasijskamoŭny univier. Bo Uschodniaja Jeŭropa pastupova stanovicca Centralnaj i nie prymaje rasijskuju movu jak linhva franka — a EHU dahetul pracuje pieravažna pa-rasijsku. Na Rasiju pieradusim budzie raźličany. Tak, jeŭrapieizacyja Rasii — sapraŭdy vialiki vyklik dla nas, jeŭrapiejcaŭ. Tolki
dla hramadzianskaje supolnaści i nacyjanalnaje identyčnaści biełarusaŭ na siońnia najvažniejšaj zadačaj jość isnavańnie univieru, aryjentavanaha na samu Biełaruś.
Kali pieraŭtvareńnie adbudziecca, biełarusam tre budzie pracavać na ŭtvareńnie Biełaruskaha Svabodnaha univiersitetu. Tady Nacyjanalny univiersitet paŭstanie ŭnutry krainy, a nie za jaje miežami. Na asnovie «viečarovych univiersitetaŭ», źnizu, abo volaj aŭtakrata, źvierchu.
