30 studzienia kamisija pa ŚMI Ministerstva sportu nie zadavoliła zajaŭku najbujniejšaj spartyŭnaj haziety krainy «Priessboł» na akredytacyju na zimovyja Alimpijskija hulni ŭ kanadskim Vankuviery.Hetaje rašeńnie jašče musić zaćvierdzić vykankam Nacyjanalnaha alimpijskaha kamitetu. Adnak nie ciažka sprahnazavać čyju pazicyju zojmie vykankam.
Kamisija pryniała rašeńnie akredytavać na Alimpijadu žurnalistaŭ «Sovietskoj Biełoruśsii», «Respubliki», «Sportivnoj panoramy» i BIEŁTA.Pryčym, dvoje apošnich ŚMI zmohuć adpravić u Vankuvier i fotakarespandentaŭ. Taksama budzie admysłovy zvarot u MAK z prośbaj vydzielić jašče adno miesca dla žurnalista «Źviazdy».
Jak adznačyŭ pres‑sakratar NAK Piotr Rabuchin: «Priessboł» časta drukuje niepravieranuju infarmacyju. Miakka kažučy, kazki vydaje za žachi, a žachi za kazki».
Viadomy telekamientatar Uładzimir Navicki rašeńnie kamisii pa ŚMI prakamientavaŭ tak: «Ja hałasavaŭ za toje, kab za košt dziaržavy na Alimpijskija hulni jeździli pradstaŭniki vyklučna dziaržaŭnych vydańniaŭ».
Nahadajem, što hod tamu za šerah skandalnych publikacyj «Priessboł» pazbavili akredytacyi na letnija Alimpijskija hulni ŭ Piekinie. Z stalicy Kitaju dla «Priessboła» pisali niekalki žurnalistaŭ ź inšych vydańniaŭ Rasii i Biełarusi.
0
0
0
0
0
0
