Jeŭraparłamient zaklikaŭ Jeŭrakamisiju zrabić bolš žorstkim zakanadaŭstva Jeŭrasajuza pa baraćbie ź piedafiłami i razbeščvalnikami dziacie./
Na plenarnaj siesii, što prachodzić u Strasburhu, členy Jeŭraparłamienta vykazalisia, u pryvatnaści, za prymianieńnie kryminalnych pakarańniaŭ u dačynieńni da stvaralnikaŭ interniet‑forumaŭ dla piedafiłaŭ, hramadzian dziaržaŭ ES, jakija ŭčynili sieksualnyja złačynstvy suprać dziaciej na terytoryi trecich krain, a taksama za hetak zvany grooming — manipulavańnie praź interniet śviadomaściu niepaŭnaletnich u sieksualnych metach.
Aprača taho, parłamientaryi zapatrabavali, kab jeŭrapiejskuju kanviencyju pa abaronie dziaciej ad ekspłuatacyi i złoŭžyvańniaŭ na sieksualnaj hlebie terminova ratyfikavali ŭsie členy ES, jakija pakul nie zrabili hetaha.
Jeŭrakamisar pa svabodach, justycyi i biaśpiecy Žak Baro paabiacaŭ sa svajho boku raspracavać da sakavika prajekt adpaviednych papravak u zakanadaŭstva ES z ulikam prapanoŭ Jeŭraparłamienta.
