Mižnarodnyja reziervovyja aktyvy Biełarusi na 1 lutaha skłali 2 młrd. 929,3 młn. dołaraŭ suprać 3 młrd. 61,1 młn. dołaraŭ na 1 studzienia 2009 hoda. Hetyja źviestki abnarodavaŭ Nacyjanalny bank.
Takim čynam,
za studzień zołatavalutnyja reziervy Biełarusi skaracilisia na 131,8 młn. dołaraŭ, niahledziačy na pastupleńnie ŭ siaredzinie miesiaca pieršaha tranšu kredytu MVF u pamiery 787,9 młn. dołaraŭ.
Z ulikam srodkaŭ MVF, što pastupili, realnaje źnižeńnie zołatavalutnych reziervaŭ u studzieni 2009 hoda skłała 919,7 młn. dołaraŭ ZŠA.
Za 2008 hod zołatavalutnyja reziervy Biełarusi skaracilisia na 1 młrd. 121,1 młn. dołaraŭ, niahledziačy na pieršy tranš rasijskaha kredytu ŭ pamiery 1 młrd. dołaraŭ, jaki pastupiŭ u listapadzie, i kredyt Vieniesueły na 500 młn. dołaraŭ, jaki pastupiŭ u śniežni. Z ulikam hetych srodkaŭ sukupnaje źnižeńnie zołatavalutnych reziervaŭ u 2008 hodzie skłała prykładna 2 młrd. 621,1 młn. dołaraŭ.
Va ŭmovach, kali Nacbank zakryŭ častku valutnaj statystyki, uźnikaje pytańnie, jak možna pravieryć jaho źviestki ab stanie zołatavalutnych zapasaŭ.
