Prajekty hierba i ściaha Viciebskaj vobłaści byli zaćvierdžany deputatami abłasnoha savieta 17 lutaha.Za asnovu sučasnaha hieraldyčnaha simvała ŭziata «Pahonia», jakaja była adlustravana na hierbie Viciebskaj hubierni 1856 hoda.
Jak paviedamili BiełaPAN va ŭpraŭleńni ideałahičnaj pracy Viciebskaha abłvykankama, u abmierkavańni varyjantaŭ hieraldyčnych simvałaŭ rehijonu brała ŭdzieł hramadskaść. Ciaham dvuch tydniaŭ hramadzianie mahli zvanić i pisać u redakcyju dźviuch abłasnych haziet, zatym ich mierkavańni pieradavalisia ŭ pracoŭnuju hrupu pa stvareńni prajekta hierba.
Hrupa, jakuju ŭznačalvaŭ staršynia abłasnoha savieta deputataŭ Alaksandr Aciasaŭ, razhladała dva mahčymyja varyjanty hierba — hieraldyčny znak Viciebskaha vajavodstva 1500 hoda i hierb Viciebskaj hubierni 1856 hoda.
U vyniku, paśla hrafičnaj dapracoŭki, hierb Viciebskaj vobłaści vyhladaje nastupnym čynam:u čyrvonym poli francuzskaha ščyta znachodzicca vyjava «Pahoni» — siarebranaha ŭzbrojenaha końnika, u pravaj ruce jakoha ŭźniaty mieč, u levaj — kruhły ščyt z załatym šaścikancovym Jeŭfrasińnieŭskim kryžom. Ščyt asadžvajuć dźvie dubovyja haliny z žałudami, abkručanyja błakitnaj stužkaj. Viančaje hierb viežavaja karona ź piaćciu zubcami. Taki ž hierb znachodzicca ŭ centry ściaha Viciebskaj vobłaści, jaki ŭjaŭlaje saboju pramavuholnaje pałotnišča zialonaha koleru.
Prajekty hierba i ściaha adpraŭleny na ekśpiertyzu ŭ Hieraldyčny saviet pry prezidencie.
0
0
0
0
0
0
