22 lutaha ŭ Minskim Mižnarodnym adukacyjnym centry IBB adbyŭsia źjezd udzielnikaŭ kolišniaha Maładziožnaha chryścijanska-sacyjalnaha sajuzu «Maładyja demakraty». U im uziali ŭdzieł 57 čałaviek z usich rehijonaŭ Biełarusi.
Na źjeździe było zajaŭlena ab denansacyi damovy ab uzajemadziejańni pamiž Maładziožnaj arhanizacyjaj MCHSS «Maładyja demakraty» i Abjadnanaj hramadzianskaj partyjaj praź ideałahičnaje razychodžańnie, a taksama ŭ suviazi ź niazhodaj moładzi z palitykaj kiraŭnictva AHP, jakaja praciahvaje ŭdzielničać u ADS, dzie bolšaść subjektaŭ padtrymlivajuć levy šlach raźvićcia Biełarusi.
Taksama na źjeździe było pryniata rašeńnie ab nieabchodnaści ŭdziełu arhanizacyi ŭ abjadnaŭčych pracesach usich prychilnikaŭ pravych sił vakoł Ruchu za Svabodu i jaho lidera A. Milinkieviča jak katalizatara abjadnaŭčych pracesaŭ usich prychilnikaŭ pravych siłaŭ z metaj vypracoŭki adzinaj pazicyi pierad prezidenckimi vybarami.
Było taksama vyrašana padać dakumienty na adnaŭleńnie rehistracyi supołki. Staršyniom MCHSS MD pieraabrany Alaksandr Šumkievič, jaho namieśnikami — Artur Curbakoŭ i Alaksandr Kuŭšynaŭ.
