Heta ŭnikalnaja piśmovaja krynica na historyi VKŁ XIV st.
Pierakład dakumienta pabačyŭ śviet na staronkach apošniaha numara časopisa «Biełaruskaja dumka» (№2'2009).
Aŭtar publikacyi historyk Aleh Lickievič. Daśledčyk u interviju BIEŁTA paviedamiŭ, što:
«Miemaryjał Vitaŭta» datujecca 1390 h. Kniaź Vitaŭt uźniaŭ tady paŭstańnie suprać svajho stryječnaha brata, karala Polščy, vialikaha kniazia litoŭskaha Jahajły. Źbiehšy ŭ Prusiju, Vitaŭt vymušany byŭ patłumačyć mahistru Teŭtonskaha ordena svaju palityku i raspavieści pra mnohija tajamnicy historyi Vialikaha kniastva. Hetaja pramova, zapisanaja pisaram kryžakoŭ na staražytnaj niamieckaj movie, i atrymała ŭ navukovaj litaratury umoŭnuju nazvu «Miemaryjał Vitaŭta». U dakumientalnym pomniku apaviadajecca pra historyju VKŁ z 1341 pa 1389 hh.
«Miemaryjał Vitaŭta» maje vielizarnaje značeńnie dla daśledavańnia historyi staražytnych biełaruskich ziemlaŭ ‑‑ viciebskaha, kreŭskaha, halšanskaha, drcuckaha, navahradskaha kniastvaŭ».
Ciapier rukapis, u jaki zapisany «Miemaryjał Vitaŭta», znachodzicca ŭ adnym z archivaŭ Bierlina. Dahetul jon pierakładaŭsia tolki na polskuju i litoŭskuju movu.
