U «Našu Nivu» patelefanavała supracoŭnica adnoj ź biudžetnych arhanizacyj Karelickaha rajonu, što na Hrodzienščynie.
Žančyna paviedamiła, što ŭ rajcentry nibyta źbirajucca skaracić zarobki biudžetnikam. Pa jaje słovach, supracoŭnikam taki krok tłumačać nastupstvami finansavaha kryzisu. Havorka idzie pra skaračeńnie zarobku nibyta na 18%.
Načalnik adździeła pracy i zarobnaj płaty Karelickaha rajvykankamu Maryja Daśko zajaviła, što heta ŭsiaho tolki čutki.
«Chutčej za ŭsio ludzi tak adreahavali na skaračeńnie staŭki I-ha razradu z 91 tysiačy rubloŭ da 77 tysiač. Ale heta datyčyć usioj krainy, a nie asobnaha rajonu»— miarkuje čynoŭnica. A kab urezać zarobak peŭnaj katehoryi nasielnictva, dy ŭ asobnym rajonie, to na heta nichto nie maje paŭnamoctvaŭ, upeŭnienaja M. Daśko.
0
0
0
0
0
0