Apieratar sotavaj suviazi standartu GSM ZAT «Biełaruskaja sietka telekamunikacyj» (handlovaja marka life:)) za apošnija čatyry miesiacy 2008 hoda (vierasień—śniežań) panios straty na 13,87 młn. dalaraŭ ZŠA.
Pra heta havorycca ŭ apublikavanaj spravazdačy kampanii Turkcell, jakaja vałodaje 80% akcyj biełaruskaha apieratara.
Pavodle źviestak na kaniec 2008 hoda ŭ life:) było 231 tys. abanientaŭ. Aktyŭnuju dziejnaść na biełaruskim rynku pad novym brendam apieratar pačaŭ u śniežni minułaha hoda.
ZAT «Biełaruskaja sietka telekamunikacyj» zarehistravana 5 listapada 2004 hoda. Paśla padpisańnia kantrakta 29 lipienia 2008 hoda ŭvajšło ŭ mižnarodnuju hrupu kampanij Turkcell. U kancy žniŭnia minułaha hoda Turkcell pieraličyŭ pieršy płaciež u 300 młn. dołaraŭ za atrymanyja 80% akcyj «BieST». Dadatkovyja płaciažy pa 100 młn. dołaraŭ buduć ažyćcioŭlenyja 31 śniežnia 2009 i 2010 hadoŭ. Jašče adzin płaciež na 100 młn. dołaraŭ budzie ažyćcioŭleny paśla atrymańnia kampanijaj «BieST» stanoŭčaha hadavoha dachodu.
Ciapier zasnavalnikami kampanii «Biełaruskaja sietka telekamunikacyj» vystupajuć kampanija Turkcell Group (80%) i Ministerstva suviazi i infarmatyzacyi Biełarusi (20%).
