Heta ŭžo 11‑ty numar ad času zasnavańnia pieryjodyka (vydajecca niepieryjadyčna z 2002 h.).
Hałoŭny redaktar Vijaleta Kavalova.
Hety numar — jon vyjšaŭ na 16 staronkach — pryśviečany 90‑m uhodkam BNR i 60‑hodździu Zhurtavańniu biełarusaŭ Kanady.
60‑m uhodkam najbujniejšaj biełaruskaj arhanizacyi Kanady pryśviečanyja artykuły staršyni ZBK Źmitra Eljaševiča «Razvahi pra dva jubilei», «Jak my śviatkavali jubilej ZBK».
Pra historyju ZBK raspaviadaje taksama pryśviečany vialiki dvuchpałosny artykuł Maryi Hańko «Nie zahinuli my i nie zhiniem».
U artykule vielmi padrabiazna i vyčarpalna raspaviadajecca pra historyju ZBK, čamuści abychodziacca ŭvahaj inšyja arhanizacyi biełarusaŭ Kanady: Biełaruskaje nacyjanalnaje abjednańnie ŭ Taronta, Zhurtavańnie biełarusaŭ Kvebieku, biełaruskija arhanizacyi ŭ Vinipiehu — palityčnych apanientaŭ ZBK.
Ale biez historyi hetych arhanizacyj historyja biełaruskaj Kanady budzie niapoŭnaj. A dziejnaść ZBK zbolšaha była abmiežavana pravincyjaj Antaryjo.
Drukujecca taksama artykuł pra vyśviačeńnie japiskapa BAPC Śviatasłava Łohina, artykuł Ziny Himpielevič pra siońniašniaha staršyniu rady BNR «Maja Ivonka».
Litaraturny dadatak «Škvarka» pryśviečany hramadskamu dziejaču i piśmieńniku Kastusiu Akułu, jaki pamior u studzieni minułaha hodu.
Drukujecca šmat inšaj cikavaj infarmacyi.
Nieviadoma, ci možna nabyć hetuju hazietu ŭ Biełarusi, ale pdf‑varyjant źjaŭlajecca na staroncy Biełarusaŭ Kanady.
