Z dyplamatyčnych krynic u Varšavie polskim ŚMI stała viadoma, što ciarpieńnie Polščy skončyłasia i jana pastaviła Minsku ultymatum: abo biełaruskija ŭłady pierastajuć špyniać palakaŭ u Biełarusi, abo Łukašenka nie atrymaje zaprašeńnia na jeŭrapiejskuju sustreču ŭ viarchach u Prazie.
Źmiest ultymatumu polskaha MZS da biełaruskaha kiraŭnictva budzie abmiarkoŭvacca siońnia ŭ Bruseli i Prazie, piša polskaweb.eu.
U patrabavańniach Varšavy havorycca, što «prezydent Biełarusi
Alaksandar Łukašenka nia moža być zaprošany na samit EZ u Prahu, kali nia buduć zabiaśpiečanyja pravy polskaj mienšaści ŭ hetaj krainie».Razmova idzie pra apošnija pravakacyi suprać lidera niepryznanaha biełaruskimi ŭładami Sajuzu palakaŭ u Biełarusi pad kiraŭnictvam Anžaliki Borys, pieraškody na šlachu praviadzieńnia ŭ siaredzinie sakavika źjezdu hetaj arhanizacyi i kantaktaŭ siabroŭ CPB z Varšavaj.
Jak zajaviŭ u razmovie z polskim vydańniem Wprost namieśnik ministra polskaha MZS Jan Barkoŭski, dalejšaje staŭleńnie Miensku da źjezdu SPB «budzie mieć upłyŭ i na našu pazycyju ŭ dačynieńni da Biełarusi na forumie Eŭraźviazu».
Pavodle Wprost, ultymatum byŭ pieradadzieny ŭ Biełaruś dyplamatyčnymi kanałami.
Polskaje vydańnie taksama cytuje z hetaj nahody słovy namieśnika staršyni kamitetu pa zamiežnych spravach polskaha sojmu Roberta Tyškieviča. Jon zajaviŭ, što mienavita «mirnaje praviadzieńnie źjezdu SPB dy spynieńnie represijaŭ suprać jaho aktyvistaŭ pavinna stać adnoj z umovaŭ dla dalejšaha dyjalohu ź Mienskam».
U apošnija miesiacy biełaruskija specsłužby praciahvali špyniać Anžaliku Borys, sudy sprabavali pryznać vydańni palakaŭ «ekstremisckimi», u Bieraści razahnali polskuju škołku, a karespandenta najbolšaha polskaha vydańnia «Hazety vyborča» pazbavili akredytacyi.
Za palakaŭ, prynamsi, jość kamu zamović słova, a biełarusam svaje pravy treba baranić samim.