Pa kanale «Ład» na Dzień kanstytucyi pakazvajuć prahramu pra asnovy biełaruskaj niezaležnaści j dziaržaŭnaści. Słovy pra šmatviakovuju biełaruskuju historyju i tradycyi pieraplecienyja z kadrami sa školnaha ŭroku, dzie dzieciam tłumačać sutnaść ściaha i hierba. Kažuć, što simvały źjavilisia daŭno, kali našy prodki adbivalisia ad vorahaŭ, jakija pieraškadžali ščaśliva pracavać.
U hety čas ŭ kadry pakazvajuć malunak vieršnikaŭ na kaniach, na dzidach jakich prymacavany ściažki z zubrom… Paśla dziciačaja ruka maluje karavyja simvały RB.
Paśla słovaŭ pra viekavyja tradycyi raspaviadajuć, što pa ŭvachodžańni Biełarusi ŭ SSSR u 1922 hodzie paŭstała patreba stvareńnia dziaržaŭnych simvałaŭ. Nie duža ž pilna było im, kali tolki ŭ 1927 hodzie hierb narešcie raspracavali. I čamuści amal nie roźniŭsia jon ad RSFSRaŭskaha. Balšavickija pačatki našaha ściaha taksama jaskrava pakazanyja – uznaharodžańnie zialonaj stužkaj u 50‑ia.
Pra Pahoniu i bieł‑čyrvona‑bieły ściah nie zhadali ani słaŭcom. «Paśla karotkaha pieryjadu niestabilnaści hramadzianie respubliki na refierendumie…»
U tym kino nastaŭnica spytała ŭ dziaciej, čamu my majem taki ściah. Šaścihodki patłumačyli tym, što ŭ nas šmat drevaŭ i travy. Što dumajuć jany pra čyrvony koler, nie pakazali, a ŭ kadry źjaviŭsia aficer, jaki pačaŭ raspaviadać pra hranicu našaj krainy…