Tym časam miascovyja žychary narakajuć na niedastatkovuju kolkaść kaviarniaŭ i restaranaŭ.
Ad 1 sakavika park imia Žylibiera ŭ Hrodna rašeńniem miascovych uładaŭ abvieščany zonaj ćviarozaści. Tut bolš nielha ŭžyvać śpirtnoje. U tym liku piva.
Hałoŭnaja meta takoha rašeńnia ŭładaŭ — pryciahnieńnie hramadzianaŭ da ćviarozaha ładu žyćcia. U chutkim časie na ŭvachodach u park, jaki znachodzicca ŭ centry horadu, źjaviacca adpaviednyja infarmacyjnyja stendy.
Spačatku z parušalnikami buduć ładzić prafiłaktyčnyja hutarki. Taksama vyrašajecca pytańnie prodažu śpirtnoha ŭ kaviarniach, što mieściacca na terytoryi parku. Adna ź ich — «Biarozka», karystajecca papularnaściu ŭ maładych baćkoŭ, jakija časta naviedvajucca siudy z małymi dziećmi.
Varta adznačyć, što inicyjatyva ŭładaŭ maje vyrašyć dosyć nabalełuju prablemu. Park Žylibiera źjaŭlajecca najbolš papularnym u moładzi, jakaja čaściakom bavić tut čas za pivam, pakidajučy pa sabie hory śmiećcia. Pry tym, što na terytoryi parku znachodzicca brackaja mahiła žaŭnieraŭ časoŭ Druhoj suśvietnaj vajny. Padajecca, adnak, što vyklučna administracyjnymi mierami pytańnie vyrašyć budzie prablematyčna. Zabaraniajučy ŭžyvańnie piva ŭ peŭnych miescach, varta było b pakłapacicca pra raźvićcio infrastruktury adpačynku ŭ cełym. Da siońnia ŭ karaleŭskim horadzie niavyrašanaj prablemaj zastajecca najaŭnaść miescaŭ adpačynku ŭ dastatkovaj kolkaści. Bolš za toje, kolkaść tych, što funkcyjanujuć, z roznych pryčynaŭ skaračajecca. Tak, u lutym byŭ začynieny restaran «Karat», u chutkim časie moža začynicca kaviarnia «Kronan». Pad pytańniem apynułasia isnavańnie načnoha kłubu «Parłamient».
