Zajava datyčyć siužetu ŭ «Panaramie tydnia» na Pieršym nacyjanalnym telekanale, pryśviečanym VII źjezdu Sajuza palakaŭ na Biełarusi 15 sakavika ŭ Hrodnie.
28 sakavika adbyłasia pieršaje paśla źjezdu SPB pasiedžańnie novaabranaj Hałoŭnaj Rady Sajuza palakaŭ na Biełarusi. Siarod inšaha na pasiedžańni byŭ pryniaty zvarot da hienieralnaha prakurora Ryhora Vasileviča. U im havorycca nastupnaje.
22 sakavika ŭ efiry Pieršaha kanała Biełaruskaha Telebačańnia ŭ prahramie «Panarama niedieli» byŭ pakazany siužet, jaki tyčyŭsia VII źjezda Sajuza palakaŭ na Biełarusi, što adbyŭsia 15 sakavika ŭ Hrodnie. U hetym materjale ŭtrymlivajucca źviestki, jakija nie tolki abražajuć honar i hodnaść siabroŭ našaj arhanizacyi, ale taksama skiravanyja na raspalvańnie nacyjanalnaj varažości.
U pryvatnaści aŭtary śćviardžajuć, što na źjeździe našaj arhanizacyi było abvieščana, što «palaki – heta vyšejšaja rasa». Tym časam na źjeździe padobnaha vykazvańnia nie było, tamu raspaŭsiudžanaja dziaržaŭnym telebačańniem infarmacyja nie adpaviadaje rečaisnaści. Meta hetaj chłuślivaj infarmacyi -- pierakanać pradstaŭnikoŭ inšych nacyjanalnaściaŭ, jakija žyvuć na Biełarusi ŭ tym, što palaki ličać siabie lepšymi za ich i takim čynam vylikać u ich varožaść u dačynieńni da palskaj nacyjanalnaj mienšaści.
Takim čynam aŭtary vyšejzhadanaha siužeta śviadoma raspalvali nacyjanalnuju varožaść pamiž palakami i inšymi nacyjanalnaściami i tym samym ździejśnili złačynstva, praduhledžanaje art. 130 KK RB «Raspalvańnie rasavaj, nacyjanalnaj albo relihijnaj varožaści».
Hałoŭnaja Rada Sajuza Palakaŭ na Biełarusi źviartajecca da Vas z zaklikam:
1. Ustanavić aŭtaraŭ vyšejzhadanaha telemateryjału i pryciahnuć ich da kryminalnaj adkaznaści.
2. Paspryjać tamu, kab u dziaržaŭnych srodkach masavaj infarmacyi ŭ budučyni nikoli nie źjaŭlalisia materyjały, jakija raspalvajuć rasavuju, nacyjanalnuju albo relihijnuju varožaść.
