Paspality lud natapyryŭsia. Šok studzieńskaj oba-na-devalvacyi sparadziŭ tryvožnyja čakańni. 55,5% biełarusaŭ, apytanych sacyjołahami NISEPD u sakaviku, ličać, što sioleta moža być jašče adna rezkaja devalvacyja.
Taja ž, što hrymnuła 2 studzienia, značna adbiłasia na materyjalnym stanoviščy 45,5% respandentaŭ, niaznačna zakranuła 35,4%. Papiarednija zajavy ŭładaŭ, što abvału nie budzie, kala dźviuch tracin (64,2%) našych suajčyńnikaŭ kvalifikujuć jak padman. 42,4% paśla hetaha stali mieniej daviarać uładam.
Uvohule biełarusy, miakka kažučy, nie idealizujuć tych, chto kiruje krainaj.
Adnosnaja balšynia (37,5%) ličyć, što ŭ Łukašenkavym atačeńni — šeryja, pasiŭnyja i niedastatkova kvalifikavanyja kadry. 43,5% pierakanany, što va ŭładzie — ludzi, zakłapočanyja vyklučna ŭłasnym dabrabytam i karjeraj.
Narešcie, na pieršym miescy siarod imaviernych pryčyn stvareńnia našumiełaj Hramadskaj kansultatyŭnaj rady na čale z Makiejem, pa viersii apytanych — žadańnie atrymać čarhovy kredyt MVF!
Tolki 17,3% biełarusaŭ miarkujuć, što imi kiruje dobraja kamanda palitykaŭ, jakaja viadzie krainu pravilnym kursam. Ale pry hetym — voś jon, biełaruski paradoks — prychilnikaŭ ułady bolej, čym praciŭnikaŭ: 32,8% suprać 21,6%.
Samaj ža vialikaj hrupaj našaha hramadstva jość bałota: 38,7% adkazali, što nie dumali, da jakoha z hetych łahieraŭ siabie pryličyć, i im heta abyjakava. Karaciej, “pafihizm” daminuje.
Pry hetym tolki 10,5% z tych, chto vieryć u kardynalnyja palityčnyja pieramieny ciaham nastupnych piaci hadoŭ, miarkujuć, što ich zdolna inicyjavać biełaruskaja apazicyja.
A voś horkaja pihułka dla entuzijastaŭ jeŭrapiejskaha vybaru: tolki 37,1% našych suajčyńnikaŭ pačuvajucca jeŭrapiejcami, admoŭny adkaz na hetaje pytańnie dali až 52,8%.
Jašče adna pihułka dla nacyjanalna śviadomaj elity: 48,6% suajčyńnikaŭ padtrymlivajuć stvareńnie adzinaj z Rasijaj sistemy supraćpavietranaj abarony. Krasamoŭny i raskład hałasoŭ u pytańni “Jak vy ličycie, ci musić Biełaruś śledam za Rasijaj pryznać niezaležnaść Abchazii i Paŭdniovaj Asiecii?”. Tak — 44,6%, nie — tolki 7,7%.
Takim čynam, Łukašenka, ciahnučy ryzinu (stała viadoma, što ŭ papiaredni paradak dnia viasnovaj siesii Pałaty pytańnie ab miaciežnych pravincyjach Hruzii nie ŭłučana), faktyčna kidaje vyklik nie tolki Kramlu, ale i ajčynnamu vox populi.
Inšaja reč, što sam hety “voks” vyrazna prarasijski. Značnaja častka biełaruskaha hramadstva — pa-raniejšamu ŭ mientalnym pałonie saŭka i zambujecca maskoŭskimi telekanałami (ich hladziać 85,6%).
Tym bolej aktualnaja zadača ŭłučyć Biełaruś u jeŭrapiejski kantekst praz samy realny ŭ ahladnaj pierśpiektyvie instrumient — “Uschodniaje partniorstva”. Na hetym fonie dyskusija, chto palacić u tuju Prahu, — choć i nie pustaja, ale, daliboh, druhasnaja. Zaraz taja situacyja, kali Biełarusi treba vyryvacca z Azijopy, jak u tym starym aniekdocie, “choć tuškaj, choć čučałam”.
Nu a što da Łukašenki, to jahony elektaralny rejtynh, nasupierak prahnozam palityčnych praciŭnikaŭ (maŭlaŭ, kryzis z devalvacyjaj adhuknucca!), ad śniežnia da sakavika praktyčna nie pachisnuŭsia: byŭ 40,2%, staŭ 39,2%.
Fienomien adnosna vysokaj padtrymki jaho ŭ biełaruskim hramadstvie 44,2% apytanych tłumačać niemudrahielista: “Prosta niama nikoha inšaha, chto byŭ by lepšy”. Pakazalna, što tolki 15,1% matyvujuć tefłonavy rejtynh niaźmiennaha prezidenta jahonymi asabistymi i dziełavymi jakaściami. Jašče mieniej — 13,1% bačać pryčynu ŭ realnych pośpiechach i dasiahnieńniach aficyjnaha kiraŭnika.
Takim čynam, my bačym tryumf ideałahiemy, što ŭ kranie — adzin palityk. Z adnaho boku, biełarusy ź ich ćviaroza-krytyčnym myśleńniem zusim nie abahaŭlajuć Łukašenku (jak i ŭsiu kiroŭnuju kamandu). Ź inšaha boku, za 15 hadoŭ amal što pałovie našych suhramadzian ubili ŭ hałovy, što vybaru niama.
Tamu siońnia krytyčna važna, kab u krainie źjaŭlalisia chacia b probliski kankurentnaj palityki. I druhoje — raźvićcio niedziaržaŭnych ŚMI. Nie vypadkova kiroŭnaja viarchoŭka tak złosna reahuje navat na redukavanyja patrabavańni Jeŭropy ŭ hetych halinach.
Łukašenka ž, jak vynikaje z apytańnia, nie car, nie boh i nie hieroj, a prosta — lider na biazrybji. Biazrybje ž nie tamu, što ŭ nas kraina złomkaŭ. A tamu, što 15 hadoŭ ŭsie palityčnyja alternatyvy hłušyli typova brakańjerskimi sposabami.
