Na sesii Eŭraparlamentu ŭ Bruseli ŭchvalenaja rezalucyja nakont raźvićcia dyjalohu Eŭraźviazu i Biełarusi.
Za prahałasavała 594 deputaty, suprać — 19.
U rezalucyi eŭraparlamentary vykazvajuć zakłapočanaść stanam z pravami čałavieka ŭ Biełarusi i vykazvajuć spadzieŭ na istotny prahres ciaham 9‑miesiačnaha padaŭžeńnia maratoryju na vizavyja sankcyi suprać biełaruskaha kiraŭnictva.
Eŭraparlament pieraličvaje šerah krokaŭ, jakich čakajuć ad aficyjnaha Miensku: reforma vybarčaha zakanadaŭstva, zabieśpiačeńnie svabody ŚMI, schodaŭ i asacyjacyj, spynieńnie pieraśledu apazycyi, admiena «palityčnych» artykułaŭ Kryminalnaha kodeksu, uviadzieńnie maratoryju na śmiarotnyja pakarańni, pryznańnie Sajuzu palakaŭ pad kiraŭnictvam Anžaliki Borys.
Kali aficyjny Miensk vykanaje pieraličanyja rekamendacyi, to Eŭraparlament vystupić za poŭnuju admienu vizavych sankcyj i «paskoryć praces reintehracyi Biełarusi ŭ eŭrapiejskuju siamju demakratyčnych krainaŭ».
