Roŭna 10 hadoŭ tamu, ranicaj 6‑ha krasavika 1999 hodu, pamior viadomy palityk Hienadź Karpienka. Mnohija i dahetul ličać jaho sychod niečakanym i zahadkavym.
U Viarchoŭnym Saviecie 13 sklikańnia Karpienku abrali vice‑śpikieram. Jon aktyŭna ŭdzielničaŭ u sprobie vykazać impičment Alaksandru Łukašenku. Paśla rospusku parlamentu ŭ listapadzie 1996 hodu da samoj śmierci ačolvaŭ «cieniavy» urad.
Siońnia na mahiłu Hienadzia Karpienki pryjduć jahonyja rodnyja i blizkija. Ich zastałosia ŭžo niašmat. Baćka i maci, jakija pieražyli syna, užo taksama pamierli, i pachavanyja ź im pobač. Žonka i dvoje dziaciej z pryčyny pieraśledu i presinhu z boku ŭłady vymušanyja byli źjechać u Niamieččynu. Tut jany atrymali status palityčnych uciekačoŭ. Zastaŭsia tolki małodšy brat Hienadzia Dźmitryjeviča — Alaksandar dy jaho siamja, jakija žyvuć u Miensku.
Na zaŭtra zaplanavany viečar‑rekvijem pa Hienadziu Karpienku. Jaho rychtavaŭ arhanizacyjny kamitet, jaki ačoliŭ Valer Kostka ‑‑ pamočnik Karpienki ŭ Viarchoŭnym Saviecie i ŭ Maładziečnie, kali Hienadź Dźmitryjevič byŭ meram hetaha horadu. Vieści imprezu budzie narodnaja artystka Biełarusi Zinaida Bandarenka.
Jana uspaminaje:
«Supracoŭničali my ŭ čas našaha festyvalu biełaruskaj pieśni i paezii.
I jon zapomniŭsia, pa‑pieršaje, jak čałaviek‑asoba. A potym — jak vialiki, mocny i vielmi dobry čałaviek.Jon nastolki lubiŭ ludziej, asabliva svaich siabroŭ, jakim jon vieryŭ. I jon zaŭsiody imknuŭsia čymści dapamahčy. I ja heta adčuvała.
I heta nia tolki ž było źviazana nia tolki sa mnoj, kali ja pracavała na hetym festyvali. A, naprykład, z teatralnym festyvalem «Sakavica». Tam užo navat lehiendy chadzili, jak jon lubiŭ našych znakamitych aktrys — Stefaniju Staniutu, Alaksandru Klimavu… Jon nikoha, z tych chto ŭdzielničaŭ u hetych festyvalach, nie adpuskaŭ biez padarunka. I nie braŭ dla hetaha hrošy z haradzkoha biudžetu. Jon imknuŭsia raskrucić na heta pradprymalnikaŭ. A Maładziečna było ž pieršym u Biełarusi horadam, dzie pradprymalnictva nabyło roskvit».
I raniej možna było pačuć, što,
kali b Karpienka zastaŭsia žyvym, to jon moh stać surjoznaj alternatyvaj Alaksandru Łukašenku.
Tak ličyć, naprykład, Alaksandar Dabravolski — paplečnik pa Viarchoŭnamu Savietu i Abjadnanaj hramadzianskaj partyi:
«Biezumoŭna, Hienadź Karpienka toj čałaviek, jaki byŭ vielmi ŭpłyvovym. I jon biezumoŭna moh by paŭpłyvać na sytuacyju ŭ Biełarusi.Jon byŭ vielmi raznastajnym čałaviekam. Jon byŭ pradstaŭnikom vytvorčaści, dyrektaram zavoda. I jaho pavažali ludzi, jakija kiravali pradpryjemstvami, jakija pracavali ŭ pramysłovaści. Akramia taho, Karpienka byŭ navukoŭcam, jaki i ŭ hetym asiarodździ karystaŭsia vialikim aŭtarytetam. Upłyvali jahonyja raznastajnaść, aŭtarytetnaść, i ja b skazaŭ, dziejnaść.
Mahčyma, Hienadź u čymści pamylaŭsia. Ale jon byŭ čałaviekam nadziejnym. I heta dazvalała jamu i tady mieć vialikuju padtrymku. I ja dumaju, što kali b jon byŭ žyvy i ciapier, to ŭ značnaj stupieni ŭpłyvaŭ by na sytuacyju ŭ Biełarusi. Mahčyma, sytuacyja była b inšaj».
