Fota adevarul.ro
Fota KP v Mołdovie
Kišynioŭ siońnia ceły dzień byŭ achopleny biesparadkami. Byli ŭziatyja šturmam i razhromlenyja parłamient i pałac prezidenta. Moładź asprečvała vyniki niadzielnych parłamienckich vybaraŭ, na jakich atrymali pieramohu kamunisty. U vyniku ŭłady i apazicyja pajšli na kampramis — adbudziecca pierapadlik hałasoŭ.
Jeŭrakamunisty pieramahli na parłamienckich vybarach u Małdovie, ale apazicyja ličyć vyniki naciahnutymi.
Druhoje i treciaje miesca zaniali prajeŭrapiejskija libieralnyja partyi.
Vybary prajšli ŭ niadzielu. Partyja kamunistaŭ Respubliki Małdova, jakuju ŭznačalvaje prezident krainy Uładiźmir Varonin, nabrała 49,9% hałasoŭ.
Źviazanyja z Rumynijaj Libieralnaja i Libieralna-demakratyčnyja partyi — 13% i 12% hałasoŭ, źviazany z Maskvoj aljans «Naša Małdova» — 9,9%.
Astatnija 13 partyj nie pieraadoleli šaściadsotkavaha barjeru.
Vyniki padliku trochi roźniacca ad vynikaŭ ekzit-połu, pavodle jakoha kamunisty nabirali tolki 44%.
Kamunisty atrymlivajuć 59 ci 60 mandataŭ z 101 u parłamiencie. Dla abrańnia prezidenta (patrabujecca 61 mandat) im spatrebicca padtrymka prynamsi niekalkich apazicyjnych deputataŭ. Prezident Uładzimir Varonin adbyŭ dva terminy i pavodle kanstytucyi nie moža bałatavacca na treci termin.
Usie čatyry partyi, što prajšli ŭ novy parłamient, vystupajuć za paskareńnie intehracyi Małdovy ŭ Jeŭrasajuz.
Cikava, što
Chryścijanska-demakratyčnaja narodnaja partyja Małdovy, były Narodny front krainy, na hety raz u parłamient nie trapiła: jaje elektarat nie ŭspryniaŭ taho, što jana niefarmalna padtrymlivała kamunistyčny ŭrad, i addaŭ hałasy maładym libieralnym partyjam.
Apazicyjnyja partyi mlava abvinavačvali kamunistaŭ u vykarystańni administracyjnaha resursu na vybarach, adnak mižnarodnyja naziralniki pryznali vybary svabodnymi. Davoli niečakana, adnak,
niezadavolenaść kamunistami vyplesnułasia na vulicy, i 7 krasavika ŭzbuntavałasia moładź. Pad łozunhami «Dałoŭ kamunistaŭ» i «Žyvie ŭźjadnańnie z Rumynijaj» natoŭp atakavaŭ prezidenturu i parłamient i zachapiŭ ich.
U vyniku ŭłady vymušanyja byli pahadzicca na pierapadlik hałasoŭ.
21:21
Lider Libieralnaj partyi Doryn Kirtoakie zajaviŭ, što admaŭlajecca ad raniejšych damoŭlenaściaŭ z uładami, i jon i jahonyja paplečniki buduć dabivacca pieravybaraŭ.
Jon zaklikaŭ svaich prychilnikaŭ zastacca ŭ centry horadu.
***
Lidery małdoŭskaj apazicyi i ŭłady krainy damovilisia ab praviadzieńni pierapadliku hałasoŭ u vybarčych biuleteniach na parłamienckich vybarach. Pra heta paviedamiła krynica ŭ Administracyi prezidenta. Centrvybarkam abiacaje zrabić heta za 10 dzion.
Taksama baki taksama zajavili, što admaŭlajucca ad uzajemnych abvinavačvańniaŭ.
Pry hetym śpikier parłamienta Maryjan Łupu i lidery apazicyi Sierafim Urekian (aljans «Naša Mołdova»), Vład Fiłat (Libieralna-demakratyčnaja partyja) i Doryn Kirtoake (Libieralnaja partyja) na sumiesnaj pres-kanfierencyi dasiahnuli damoŭlenaściaŭ,
što kožny z bakoŭ zrobić usio mahčymaje, kab spynić hvałt u Kišyniovie.rian.ru
Nahadajem, što pavodle aficyjnych źviestak, kamunisty nabrali 49,9%, što dało im bolšaść miescaŭ i parłamiencie dy mahčymaść sfarmavać urad. Prazachodnija Libieralnaja i Libieralna-demakratyčnaja partyi nabrali 13 i 12% hałasoŭ, libieralna-prarasijski aljans «Naša Małdova» - 9%.
Pa roznych acenkach, siońnia ŭ Kišyniovie pratestavali ad 5 tys. da 30 tys. čałaviek.
***
18:10 Paviedamlajecca, što bolš za 400 supracoŭnikaŭ pravaachoŭnych orhanaŭ źviarnulisia ŭ balnicy pa dapamohu.
17:30 Apazicyja całkam zachapiła pałac prezidenta Małdovy. Cieraz raźbityja vokny vykidvajuć meblu, arhtechniku i asabistyja rečy supracoŭnikaŭ administracyi, kala ŭvachodu palać vohniščy.
Lidery apazicyi zajaŭlajuć, što buduć praciahvać mitynhi, pakul nie dabjucca praviadzieńnia paŭtornych vybaraŭ.
17:15 Ministr unutranych spraŭ Małdovy Hieorhi Papuk u intervju RIA «Novosti» zajaviŭ, što palicyja ŭ Kišyniovie ŭziała situacyju pad svoj kantrol.
16:30 Małdoŭskija karabiniery (unutranyja vojski) užyli śviatłašumavyja hranaty suprać udzielnikaŭ akcyi pratestu, jakija zrabili novuju sprobu zachapić parłamient.
U natoŭpie byli čuvać 10-15 hučnych udaraŭ. Padjechali mašyny "chutkaj".
Tym časam kancylaryja prezidenta krainy abvierhła infarmacyju pra toje, što Uładzimir Varonin pakinuŭ krainu.
15:17
Natoŭp uvarvaŭsia ŭ rezidencyju prezidenta krainy, prałamiŭšy dubovyja dźviery budynku, i ŭstalavaŭ nad joj rumynski ściah, a na špili pierad budynkam — ściah Jeŭrasajuzu.
***
Udzielniki akcyi, što prachodzić pad łozunham "Dałoŭ kamunizm", zbolšaha moładź, siońnia ŭvarvalisia ŭ budynak parłamientu, pavybivali tam šyby dy padpalili adno z kryłaŭ budynku.
Potym jany pazakidvali kamianiami rezidencyju prezidenta krainy, taksama pavybivaŭšy tam šyby. Jak paviedamlaje karespandent Reuters, manifiestantaŭ kala 10 tys. čałaviek i jany ŭvieś čas ustupajuć u sutyčki z palicyjaj.
Udzielniki akcyi patrabujuć pierapadliku hałasoŭ na vybarach, pavodle aficyjnych vynikaŭ na jakich pieramahli jeŭrakamunisty (nabrali kala 50%) hałasoŭ i tym samym atrymali parłamienckuju bolšaść.
Pradstaŭniki prazachodnich Libieralna‑demakratyčnaj partyi i Libieralnaj partyi, što nabrali pa 12% hałasoŭ, zajaŭlajuć, što mohuć dakazać «šmatlikija parušeńni i falsifikacyi».
Tym časam misija naziralnikaŭ Arhanizacyi pa biaśpiecy i supracoŭnictvie ŭ Jeŭropie zajavili, što vybary byli svabodnymi i demakratyčnymi.
Pavodle apošnich źviestak, padčas biesparadkaŭ jość ranienyja.
