Šanoŭnyja našaniŭcy! Sardečna vinšuju vas z Novym hodam! Niachaj u 2006 h. «Naša Niva» vierniecca ŭ katalohi.
Adam Maldzis, Miensk
❏
Vy mužnyja ludzi, dziakuj vam.
Raman Małachovič, invalid II hrupy, Miensk
❏
Trymajciesia, braty. Žyvie Biełaruś!
Alena Karp, Miensk
❏
Trymajciesia, nas čakajuć pieramieny! Našymi supolnymi namahańniami pieramožam.
Marharyta Vieramiejčyk, Miensk
❏
Sardečna vinšuju z Novym hodam, z Kaladami! Zdaroŭja, ščaścia i dabrabytu vam i vašym siemjam! Niachaj usio lichoje zastaniecca ŭ adychodziačym hodzie, a novy hod daść nadzieju na hodnaje žyćcio ŭ volnaj Biełarusi!
Leanid Haravy, Haradok
❏
Šanoŭny panie redaktar! Zyču, kab Vam chapiła siłaŭ, srodkaŭ i vytrymki, kab u ciažkim nastupnym hodzie ŭtrymać hazetu na ŭzroŭni, nia stracić šmat starych i prydbać jašče novych padpisčykaŭ. Sardečna vitaju i ź nieciarplivaściu čakaju čarhovaha numaru.
Elžbieta Smułkova, Varšava
❏
Ščyra zyču vam viasiołych śviataŭ, a taksama zdaroŭja, aptymizmu, nadziei na lepšaje, dabrabytu i plonnaj pracy ŭ 2006 hodzie. Z pavahaj i ŭdziačnaściu za vašu pracu,
Maryna Ŭłasava, Miensk
❏
Z Novym Hodam, z Kaladami — źvierchu da nizu pakrytymi čakaladami!
Iłona j Źmicier Saŭki, Mijensk
❏
Zyču ŭsim našaniŭcam zdaroŭja, ščaścia i spor u spravach. Ja vas kachaju.
Taisa Žarava, Miensk
❏
Zrazumieła ž, z nadychodziačymi śviatami — z Kaladami i Novym hodam! Pośpiechaŭ vam usim! Zdaroŭja mocnaha! Mužnaści i ŭdačy! Udača nam usim patrebna.
Darja Lis, vioska Zaleśsie (Smarhonščyna)
❏
Vielmišanoŭnaja «Naša Niva»! Sardečna vinšuju z Kaladami i Novym hodam. «Našaj Nivie» kałasicca!
Anton Bubała, Vierchniadźvinsk
❏
Vinšuju ŭsich vas z Novym hodam i Rastvom Chrystovym! I žadajem vydavać hazetu i ŭ Novym hodzie! Byvajcie zdarovy!
I.Ratkievič, Harodnia
❏
Trymajmasia razam!
Janka z Haradzienščyny
❏
My pieramožam!
Andrej Jeraškievič, Horadnia
❏
Trymajciesia! Navat paśla samaj ciomnaj nočy prychodzić soniečny jasny dzień. My pieramožam. Žyvie Biełaruś! Z nadychodziačym Novym hodam vas! Dobraha zdaroŭja vam i vašym blizkim i pośpiechaŭ u vielmi ciažkaj i adkaznaj pracy.
Vasil Byčyk, Miensk
❏
Mužnaści ŭsim nam i viery ŭ najlepšyja spadziavańni ludziej, nie zaśmiečanych bacyłaj chałopstva i rudymentami tatalitaryzmu. Ščaślivaha Novaha hodu.
Uładzimier Karavacki, Miensk
❏
Vinšuju Vas sa śviatam Božaha Naradžeńnia i Novym hodam! Žadaju mužnaści, pośpiechaŭ i vialikich nakładaŭ. Dziakuju vam za vašuju pracu.
Siarhiej Pantus, Biarozaŭka (Lidzki r-n)
❏
Sardečna vinšujem! My pieramožam!
Jury Michno, Stoŭpcy
❏
Vinšuju z Naradžeńniem Chrystovym i Novym Hodam! Žadaju vam z dapamohaj čytačoŭ pieraadoleć usie ciažkaści, jakija nam pryhatavała ŭłada.
Andrej Roŭbuć, Žodzina
❏
Vinšuju ŭsich z Kaladami i Novym hodam! Zyču zdaroŭja, ščaścia, dabra, stojkaści ŭ zmahańni za idei Adradžeńnia.
Jury Miańkoŭ, Baravaja Buda, Karmianski r-n
❏
Vinšuju redakcyju i karespandentaŭ hazety z nadychodam Kaladaŭ i Novaha hodu! Słoŭ pavahi da hazety nie pieraličyć! Staŭšy čytačom hazety, źmianiŭ svoj śvietapohlad, što nie dapamahaje rabocie na dziaržpracy. Čamuś nikoli nie padpisvaŭsia na hazetu — pryncypova nabyvaŭ u roznych kijoskach. Ciapier pryncypy treba mianiać. Žadaju i nadalej čytać «Našu Nivu».
Juraś Fiedziukovič, Miensk
❏
Prašu vas ličyć mianie padpisčykam hazety «Naša Niva» na 1-šy kvartał 2006 h. Achviaravańnie pieraličyŭ praź «Biełarusbank» 16 śniežnia, bo ŭ hety dzień ja atrymlivaju pensiju (ja invalid 2-j hrupy ź dziacinstva). A vy ŭ dalejšaj abviestcy paviedamcie, ci treba vysyłać u adras redakcyi kvitancyju. (Nia treba, dosyć paznačyć adras na blanku achviaravańnia, i jon nam pryjdzie. — Red.).
Dziakuj vam, što vy chvalujeciesia pra nas i robicie ŭsio mahčymaje, kab my atrymali svaju lubuju hazetu, bo kali z majho žyćcia zabrać «Našu Nivu», moj śviet značna pamienšycca, a ciapierašnija ŭłady łupiać pa samym balučym miescy, jany žadajuć zrabić nas hłuchimi i nieviduščymi, karaciej — bydłam. Kab my tolki hladzieli televizar i viedali, jak my bahata, choraša žyviom. Ale ja lepiej viedaju, jak ja žyvu, a najbolej heta vidać, kali ja sadžusia abiedać abo naviedvaju apteku i nie mahu nabyć sabie tyja leki, jakija mnie lepiej padychodziać. Tamu ja televizara amal nie hladžu — heta skrynia dla durniaŭ, jakim padabajecca, jak na ekranie vykručvajucca hałapupyja biezhałosyja biezdary, što ličać siabie zorkami. Ale «projdzie i heta», navała zhinie, a ad vialikaha da śmiešnaha — adzin krok, jak kazaŭ Banapart.
Škada, što ja hetaha nia ŭbaču, u mianie dvajny parok serca, i kožny dzień moža stać apošnim.
Kali dzie jakaja pamyłka ŭ maim liście, dyk vybačajcie, bo ja rasiejec, movu vyvučaŭ pa knihach Karatkieviča, Bykava, hazecie «Naša Niva», radyjo «Svaboda», a ŭ škole nie vyvučaŭ.
Udačy vam u takoj patrebnaj spravie! Bieražy vas Boh! Žyvie Biełaruś!
Uładzisłaŭ Charchardzin, Vierchniadźvinsk
❏
Ad Redakcyi
Dziakuj usim, chto pavinšavaŭ «NN» z Kaladami. Nia možam i blizka vydrukavać usie vinšavańni, bo hetym razam, z nahody padpiski, pryjšli ich sotni. Našy čytačy vyjavili siabie sapraŭdnymi hramadzianami. Z Novaha hodu padpisčykaŭ u hazety paboleła na 320 (źviestki praciahvajuć pastupać). Sumu achviaravańniaŭ, jakija pryjšli na rachunak za śniežań, i reštu śpisu achviaradaŭcaŭ vydrukujem u bližejšych numaroch.