Bunt u Kišyniovie skončany. Žurnalistcy Natalli Morar aficyjna vystaŭlenyja abvinavačvańni. Joj pahražaje da 25 hadoŭ turmy.
Jaje abvinavačvajuć u «zakliku da arhanizacyi i praviadzieńnia masavych biesparadkaŭ», — zajaviŭ hienieralny prakuror Małdovy Valery Hurbula.
«Morar - siarod 200 čałaviek, jakija prachodziać pa spravie masavych biesparadkaŭ, u vyniku jakich byli razrabavanyja i padpalenyja budynki parłamienta i rezidencyi prezidenta».
Miescaznachodžańnie žurnalistki pakul nieviadomaje. Jaje muž zajaŭlaje, što jana nadziejna schavanaja.
Tym časam bunt u Kišyniovie skončyŭsia, aryštavanyja niekalki dziesiatkaŭ udzielnikaŭ biesparadkaŭ. Zavadataram pahražaje da 25 hadoŭ turmy.
Centrvybarkam Małdovy zaćvierdziŭ kančatkovyja vyniki parłamienckich vybaraŭ.
U parłamient prajšli čatyry partyi.
Za Partyju kamunistaŭ prahałasavali 49,48% vybarcaŭ, za Libieralnuju, Libieralna‑demakratyčnuju partyi i aljans «Naša Małdova» adpaviedna 13,14%, 12,43% i 9,77%. Astatnija vosiem partyj nie pieraadoleli 6‑adsotkavaha barjeru.
Takim čynam kamunisty atrymali 60 mandataŭ z 101 u parłamiencie, a try apazicyjnyja partyi — 41 mandat.
U hetym vypadku apazicyja atrymlivaje minimalny, ale šaniec zabłakavać abrańnie kiraŭnika dziaržavy, dla čaho patrabujecca akurat try piatych hałasoŭ deputataŭ, h.zn. 61 mandat z 101.