Niezadoŭha da pieravodu ź im sustrakałasia maci Iryna Balasłavaŭna. «Syn trymajecca małajcom», – kaža jana.
Kiraŭnika ščučynskaha vybarčaha štaba Alaksandra Milinkieviča Siarhieja Laškieviča pieraviali z Haradzienskaj turmy ŭ Hłybokaje. S.Laškievič byŭ asudžany Ščučynskim rajonnym sudom da 5 miesiacaŭ turemnaha aryštu nibyta za padrychtoŭku masavych biesparadkaŭ padčas vybaraŭ prezydenta. U časie śledztva jon adbyŭ užo bolš pałovy terminu pakarańnia i maje prava na daterminovaje vyzvaleńnie. Siarhiej padaŭ chadajnictva i ciapier čakaje adpaviednaha adkazu.
Niezadoŭha da pieravodu ŭ Hłybokaje ź im sustrakałasia maci Iryna Balasłavaŭna. «Syn trymajecca małajcom, spakojny. Bolš mianie supakojvaŭ, vytrymany chłopiec», – kaža spn.Laškievič. U vypadku daterminovaha vyzvaleńnia Siarhiej Laškievič maje mahčymaść uładkavacca pa specyjalnaści ŭ adnoj z haspadarak Ščučynskaha rajonu.
Advakat Siarhieja Andrej Ščapiatkoŭ ličyć, što pieravod u inšuju turmu nijak nie ŭpłyvaje na šancy S.Laškieviča być vyzvalenym daterminova.
