U prajekcie «Tuzin. Pierazahruzka» internet‑partału «Tuzin Hitoŭ» i hramadskaj kampanii «Budźma biełarusami!»voźmie ŭdzieł lider biełaruskaha repu — hurt «Niestandartnyj variant», jaki sioleta spraŭlaje svajo 10‑hodździe.
 |
Mich i Bazyl pieraśpiavajuć na biełaruski ład trek sa svajho apošniaha dysku —«Jele słyšno» — «V niebie».«Mieŭ pa biełaruskaj movie ŭ škole mocnuju čaćviorku, ale mušu pryznać — viedaju jaje kiepska. Tym cikaviej budzie zrabić biełaruskuju viersiju našaj pieśni», — kaža Źmicier Michnievič (viadomy jak Mich), adzin ź lideraŭ «Niestandy».
U 2009 hodzie «Niestandartnyj variant» spraŭlaje 10‑hodździe svajoj dziejnaści.Litaralna ź pieršych svaich vystupaŭ muzyki začaravali ŭsich naŭkoł, tamu ŭznaharody, pryznańnie i papularnaść pryjšli da ich imhnienna. U 1999 hodzie «Niestandartnyj variant» byŭ pryznany najlepšym maładym hurtom na feście «Chip‑chop nacyja», nastupnym hodam jany ŭžo atrymali pieramohu ŭ naminacyi «Najlepšy hurt hoda».
Z kožnym hodam repiery z Barysava tolki ŭmacoŭvajuć svoj pośpiech: jany ŭ pašanie na najbujniejšych rep‑festach nie tolki Biełarusi, ale i Rasii, Ukrainy i Niamieččyny.Ich pieśni vychodziać na tamtejšych składankach. Muzyki dajuć kancert užyvuju na ŭkrainskim telekanale M1, pradstaŭlajuć krainu ŭ treku Nie lekceważ nas (na zaprašeńnie polskaha repiera Sokol'a ŭ hetym zapisie ŭziali ŭdzieł 20 MC z 12 słavianskich krainaŭ). Z apošnich pośpiechaŭ — «Niestanda» pieramahła na chip‑chop konkursie BRATINFO‑2008 u asnoŭnych naminacyjach — «Najlepšy artyst hoda» i «Najlepšy albom hoda».
Zasnavalniki prajektu Mich i Bazyl daŭno ŭžo pierabralisia z rodnaha Barysava ŭ Minsk. Na žyćcio, darečy, jany zarablajuć nie repam — abodva pracujuć na Minskim traktarnym zavodzie. Kalektyŭ ich padtrymlivaje, jak moža. Hiendyrektar MTZ navat daŭ muzykam traktar «Biełaruś» dla ichnich hłamurnych patrebaŭ. Na hetaj mašynie jany padjechali da čyrvonaj darožki Pałaca respubliki na cyrymoniju ŭručeńnia premijaŭ ad Pieršaha muzyčnaha kanału.
«Toj naš moŭny ekśpierymient mianie dahetul ciešyć, bo vielmi ŭdała vyjšła. Tamu z zadavalnieńniem adhuknulisia, kab paŭdzielničać u «Pierazahruzcy».Sami my nie pišam tekstaŭ pa‑biełarusku. Ale miarkuju, što kali rabić, to rabić z hałavoju», — tłumačyć Mich.Chłopcy śpiavali pa‑biełarusku tolki adnojčy ŭ žyćci — u cumiesnaj z IQ48 kavier‑viersii «Pavietranaha šara» dla trybjutu N.R.M.
Dla pieraasensavańnia «Niestandartnyj variant» prapanavaŭ na vybar niekalki piesień. U vyniku syšlisia na kampazicyi z novaha albomu «Jele słyšno» pad nazvaj «V niebie». Za pierakład uziaŭsia litaratar Siarhiej Bałachonaŭ, viadomy, u pryvatnaści, tym, što pierakłaŭ na biełaruskuju šmatlikija chity — ad piesień Tokio Hotel i Linkin Park da «Mhnovienij» Raždziestvienskaha i śpievu ź filmu «Emmanuelle».
Nastupny ŭdzielnik prajektu budzie pradstaŭleny 22 krasavika.
***
U prajekcie «Tuzin. Pierazahruzka» internet‑partału «Tuzin Hitoŭ» i hramadskaj kampanii «Budźma biełarusami!» biaruć udzieł 12 samych cikavych ajčynnych niebiełaruskamoŭnych vykanaŭcaŭ roznych stylaŭ,jakich łučyć aryhinalnaść materyjału, prafiesijnaść u muzyčnym padychodzie i žadańnie ekśpierymientavać. Kožny ź ich pierazapiša adzin sa svaich chitoŭ u biełaruskamoŭnym varyjancie, vykananym prafiesijnym pierakładčykam. Usie pieśni buduć prezientavanyja na staronkach music.fromby.net i www.budzma.org
